Tweet
تعبیر
مجھے یقین تھا کہ تم نہیں
تھکے ہوئے کھڑکیوں کے چہرے
جلی ہوی آسمان کی رنگت
سیاہ، آفاق تک بگولے
لہو کے آتش فشاں کی ساعت
وجود پر ایک بوجھ سا تھا
نہ صبح وعدہ نہ شام فرقت
اسی مہیب آتشیں گھڑی میں
کسی کی دستک سنی تو دل نے
کہا کہ صہرا کی چوٹ کھائے
کوئی غریب الدیار ہوگا
یہ سچ کی دل کی ہر ایک دھڑکن
تمہارے درشن کے واسطے تھی
حیات کا ایک ایک لمحہ
تمہاری آہٹ کا منتظر تھا
مگر اک ایسے دیار میں
جہاں کی ہر چیز خشمگیں ہو
مجھے یقین تھا کہ تم نہیں ہو
زمین سکتے میں ہے کیوں کر
زمیں پر ماہ تاب اترا
یہ آگ کیسے بنی شبستاں
کہاں سے آنکھوں کا خواب اترا
روایتوں کی ھزار صدیوں
سے بڑھ کہ یہ لمحہ حسیں ہے
لہو میں پھول کے حاشیے ہیں
اُداس کاسے میں انبگیں ہے
یہ تم ہو یہ ہونٹ ہیں یہ انکھیں
مجھے یقین ہے مجے یقین ہے
Comment