poetry Collection

[.]

Assalamalikum


poetry collection :manicure:

[.]

Re: poetry Collection

چلو پھر ڈھونڈ لائیں ہم
اسی معصوم بچپن کو
انہی معصوم خوشیوں کو
انہی رنگین لمحوں کو
جہاں غم کا پتہ نہ تھاجہاں دکھ کی سمجھ نہ تھی
جہاں بس مسکراہٹ تھی
بہاریں ہی بہاریں تھی
چلو پھر ڈھونڈ لائیں ہم
کہ جب ساون برستا تھا
تو اس کاغذ کی کشتی کو بنا اور ڈبو دینا
بہت اچھا سا لگتا تھا
اور اسی دنیا کا ہر چہرە سچا لگتا تھا
چلو پھرڈھونڈ لائیں ہم اسی معصوم بچپن کو

[.]

Re: poetry Collection

میں مرمٹا تو وہ سمجھا یہ انتہا تھی مری
اسے خبر ہی نہ تھی خاک کیمیا تھی مری

میں چپ ہوا تو وہ سمجھا کہ بات ختم ہوئی
پھر اس کے بعد تو آواز جابجا تھی مری

جو طعنہ زن تھا مری پوشش دریدہ پر
اسی کے دوش رکھی ہوئی قبا تھی مری

میں اس کو یاد کروں بھی تو یاد آتا نہیں
میں اس کو بھول گیا ہوں یہی سزا تھی مری

شکست دے گیا اپنا غرور ہی اس کو
وگرنہ اس کے مقابل بساط کیا تھی مری

کہیں دماغ کہیں دل کہیں بدن ہی بدن
ہر اک سے دوستی یاری جدا جدا تھی مری

کوئی بھی کوئے محبت سے پھر نہیں گزرا
تو شہر عشق میں کیا آخری صدا تھی مری

جو اب گھمنڈ سے سر کو اٹھائے پھرتا ہے
اسی طرح کی تو مخلوق خاک پا تھی مری

ہر اک شعر نہ تھا درخور قصیدہ دوست
اور اس سے طبع رواں خوب آشنا تھی مری

میں اسکو دیکھتا رہتا تھا حیرتوں سے فراز
یہ زندگی سے تعارف کی ابتدا تھی مری

[.]

Re: poetry Collection

یہ بارشیں بھی تم سی ہیں
جو برس گئی تو بہار ہیں
جو ٹھہر گئی تو قرار ہیں
،
کبھی آ گئی یونہی بے سبب
کبھی چھا گئی یوں ہی روزِ و شب
کبھی شور ہیں، کبھی چپ سی ہیں
یہ بارشیں بھی تم سی ہیں
۔
کسی یاد میں کسی رات کو
اک دبی ہوئی سی راکھ کو
کبھی یوں ہوا کہ بجھا دیا
کبھی خود سے خود کو جلا دیا
کبھی بوند بوند میں گم سی ہیں

یہ بارشیں بھی تم سی ہیں

[.]

Re: poetry Collection

تجھ سے بچھڑ کے ہم بھی مقدر کے ہو گئے
پھر جو بھی در ملا ہے اسی در کے ہو گئے

پھر یوں ہوا کہ غیر کو دل سے لگا لیا
اندر وہ نفرتیں تھیں کہ باہر کے ہو گئے

کیا لوگ تھے کہ جان سے بڑھ کر عزیز تھے
اب دل سے محو نام بھی اکثر کے ہوگئے

اے یادِ یار تجھ سے کریں کیا شکائیتیں
اے دردِ ہجر ہم بھی تو پتھر کے ہوگئے

سمجھا رہے تھے مجھ کو سبھی ناصحانِ شہر
پھر رفتہ رفتہ خود اسی کافر کے ہوگئے

اب کے نہ انتظار کریں چارہ گر کا ہم
اب کے گئے تو کوئے ستم گرکے ہوگئے

روتے ہو اک جزیرہ ء جاں کو فراز تم
دیکھو تو کتنے شہر سمندر کے ہو گئے

[.]

Re: poetry Collection

حادثے کیا کیا تُمہاری بے رُخی سے ہو گئے
ساری دُنیا کے لیے ہم اجنبی سے ہو گئے

کچُھ تمہارے گیسوؤں کی برہمی نے کر دئیے !
کچُھ اندھیرے میرے گھر میں روشنی سے ہو گئے

بندہ پرور، کُھل گیا ہے آستانوں کا بَھرم
آشنا کچھ لوگ رازِ بندگی سے ہو گئے

گردشِ دَوراں، زمانے کی نظر، آنکھوں کی نیند !
کتنے دُشمن، ایک رسمِ دوستی سے ہو گئے

زندگی آگاہ تھی صیّاد کی تدبیر سے !
ہم، اسیرِ دامِ گُل اپنی خوشی سے ہو گئے

اب کہاں اے دوست، چشمِ منتظر کی آبرو
اب تو اُن کے عہد و پیماں ہر کِسی سے ہو گئے

ہر قدم ساغر! نظر آنے لگی ہیں منزلیں
مرحلے کچُھ طے مِری آوارگی سے ہو گئے

[Aslam1981]

Re: poetry Collection

Bohot khoob ji

Sent from my bq Aquaris 5.7 using Tapatalk

[.]

Re: poetry Collection

یہ جو ریگ دشت فراق ہے
یہ جو ریگ دشت فراق ہے یہ رکے اگر
یہ رکے اگر تو نشان ملے
کہ جو فاصلوں کی صلیب ہے
یہ گھڑی ھوئی ہے کہاں کہاں
میرے آسمان سے کدھر گئیں تیری التفات کی کہکشاں
میرے بے خبر میرے بے نشاں
یہ رکے اگر تو پتا چلے
میں تھا کس نگر تو رھا کہاں
کہ زمان و مکان کی وسعتیں
تجھے دیکھنے کو ترس کئیں
وہ میرے نصیب کی بارشیں
ےکسی اور چھت پہ برس گئیں
میرے چار سو ھے غبارجاں وہ فشار جاں
کہ خبر نہیں میرے ہاتھ کو میرے ہاتھ کی

میرے خواب سے تیرے بام تک
تیری رھگزر کا تو زکر کیا
نہیں ضوفشاںتیرا نام تک
ہیں دھواں دھواں میرے استخواں
میرے انسوں میں بجھے ھوئے میرے استخواں
میرے نقش گر میرے نقش جاں

اس ریگ دشت فراق میں رھے منتظر۔ تیرے منتظر
میرے خواب جن کی فشار میں
رھی میرے حال سے بے خبر
تیری رھگزر
تیری رھگزر کا جو نقش ھے میرے ھاتھ پر
مگر اس بلا کی ھے تیرگی
کہ خبر نہیں میرے ہاتھ کو میرے ہاتھ کی

وہ چشم شعبدہ ساز تھی وہ اٹھے اگر
میرے استخواں میں ھو روشنی
اس اک لمحہ دید میں تیری رھگزر
میری تیرہ جان میں چمک اٹھے
میرے خواب سے تیرے بام تک
سبھی منظروں میں دمک اٹھے
اس اک پل میں ھو جاوداں
میری آرزوکہ ھے بیکراں
میری زندگی ھے مختصر
یہ جو ریگ دشت فراق ھے
یہ رکے اگر۔ ۔ ۔ ۔ ۔ ۔ ۔ ۔ ۔ ۔ ۔ ۔

[.]

Re: poetry Collection

پرُانی کِرنیں نئے مکانوں کے آنگنوں میں لرَز رہی ہیں
فصیلِ شہرِ وفا کے روزَن چمکتے زرّوں سے بھَر گئے ہیں

گئے دِنوں کِی عذیز باتیں.. نِگار صُبحیں.. گلاب راتیں
بِساطِ دِل بھی عجیب شَے ہے…ہزار جیِیتیں…ہزار مَاتیں
جُدائیوں کِی ھوائیں لمَحوں کِی خشُک مٹّی اُڑا رہی ہیں

گئ رُتوں کا مَلال کَب تک چَلو! کہ شاخیں تو ٹُوٹتی ہیں
چَلو کہ قَبروں پہ خوُن رونے سے اَپنی آنکھیں ہی پھُوٹتی ہیں

یہ موُڑ وہ ہے جہاں سے میرے تُمہارے رسَتے بَدل گئے ہیں
پُرانی راہوں کو لوٹنا بھِی ہماری تقدیر میں نہیں ہے
کہ راستے بھِی ہمارے قدموں کے ساتھ آگے نِکل گئے ہیں

طلوُعِ شمسِ مفارقت ہے
تُم اپنی آنکھوں میں جھِلملاتے ہوئے سِتاروں کو موت دے دو
گئ رُتوں کے تمام پھُولوں…تمام خاروں کو موت دے دو

نئے سفر کو حیات بخشو
کہ پچِھلی راہوں پہ ثبَت جِتنے نقوشِ پا ہیں
غبُار ہوں گے
ھوَا اُڑائے کہ تُم اُڑاوُ

[.]

Re: poetry Collection

اک عہد

اک عہد کا پاس لیے
فرض کی چھتری اوڑھ کر
وہ تلخ موسموں سے
بچتی چلی گئی
جو بھی پاس تھا بانٹتی چلی گئی
اپنا حصہ بھول کر
میرا حصہ بھول کر
دوسروں کا سہارا بنتی چلی گئی

[.]

Re: poetry Collection

وہ نیٹ پر محبت تلاش کرتی ھے


شرمیلی آنکھوں والی اک لڑکی
نیٹ پر محبت تلاش کرتی ھے
وہ نازک دلوں پر سرابوں کے بیج بوتی ھے
جب ان دیکھی چاھت کے پھول کھلنے لگتے ھیں
وہ اجتناب کرتی ھے
پھر جب سرد مہری کی خوشبو پھیلنے لگتی ھے
وہ کہتی ھے تم مجھے دکھ دیتے ھو
وہ نہیں جانتی کتنوں کے ارمانوں کا خون کرتی ھے
وہ نیٹ پر محبت تلاش کرتی ھے

[.]

Re: poetry Collection

وہ بہار اب نہ آئے گی


تم کب تک کسی کے انتظار میں
میں کب تک شوق کے بازار میں
تمھارے لیے خواب
اپنے لیے انتظار تلاش کروں
آؤ کہ اب یہ مان لیں
وہ بہار اب نہ آئے گی
جو فراق کی زمین پر وصل کے پھول کھلائے گی

[.]

Re: poetry Collection

فرصت نظر


کب تمھیں فرصت نظر ھو گی
کہ تم اپنے آپ کو دیکھو گے
کیسا رنگ اجڑا ھے ،کیسا حسن بکھرا ھے
کون سا لمحہ کھو گیا ھے
کون سا خواب ریزہ ریزہ ھو گیا ھے
جب اپنے پاس اکیلے بیٹھو گے تم
پہلو میں ھمیں پاؤ گے تم
گر خود کو نہیں مل سکتے راسخ
ہم کو کیسے مل پاؤ گے تم

[.]

Re: poetry Collection

چاند ساتھ نہیں ھوتا

تو مجھے ملا ھے کتنی مدتوں کے بعد
کئی سال کے ریاض،کتنی عبادتوں کے بعد

خود کو الگ مت سمجھ، میری خواھشوں کے جنگل میں
کہ اب چاند ساتھ نہیں ھوتا تیری رفاقتوں کے بعد

تو نے ھی پہچان لیا،میں ھی تیرا عکس تھا
ورنہ چہرہ بدل جاتا ھے اتنی مسافتوں کے بعد

تیری بھی کوئی امید ، تیرا بھی کوئی سراب ھوگا ضرور
کچھ خواب دیکھ میرے ساتھ اتنے رتجگوں کے بعد

مل نہ پائے تھے ، کہ تم گم ھو گے راسخ
اب ترک تعلق نہ کرنا، اتنے رابطوں کے بعد

[.]

Re: poetry Collection


انتظار


پھر فون کی گھنٹی بجے گی
پھر دل دھڑکے گا
پھر اک ساعت بات ھوگی
پھر ہزار پہر دل انتظار کرے گا