Tweet
Mannat
Jab Tum Shaam-E-Widaa Ka
Aakhri Manzar
Meri Aankho'N Ko Sonp Ker
Duur Ja Chuke Thay
Tou Main Ne Dekha K
Meri Qameez K Daman Per
Tumhari Zulfo'N Ka Ek Baal
Reh Gaya Hy
Main Wo Baal Chuum Ker
Wahi'N Kisi Jhuki Hui Shaakh
Mein Baandh Ker
Apne Tareek Shikast-Khorda
Muqaddar K Saath Laut Aaya Tha
Ab Suna Hy K Log
Us Pair Ki Tehniyo'N Pe
Siyaah Rung K Dhaage Baandh Ker
Jaane Walo'N Ki Wapsi Ki Mannat
Maangty Hyn ... !!
Comment