Tweet
غزل ۔۔۔۔۔۔۔۔۔۔۔حمیدہ شاہین
۔۔۔۔۔۔۔۔۔۔۔۔۔۔۔۔۔۔۔۔۔
ہاتھ میں کاسہ ،کلائی میں کڑا سجتا ہے
در بڑا ہو تو سوالی بھی کھڑا سجتا ہے
میں تیرے کنجِ تغا فل سے نکلتی کیسے
میرا ساماں اسی کونے میں پڑاسجتا ہے
یہ الگ بات وہ دیوار میں خود ہوں لیکن
عشق دیوار گرانے پہ اَڑا سجتا ہے
دل پہ سامانِ زمانہ کبھی رکھا ہی نہیں
ا س گھڑونچی پہ محبّت کا گھڑا سجتا ہے
یہ صفِ دل زدگاں ہے، تجھے احساس رہے
تُویہاں صرف مرِے ساتھ کھڑا سجتا ہے
سر کئے جاؤں ترا کوہ ِ رفاقت یوں ہی
میرا جھنڈا اسی چوٹی پہ گڑا سجتا ہے
طاقِ محراب ِوفا میں ہے ٹھکانہ میرا
جو دیا بجھ نہ سکے، اس میں بڑا سجتا ہے
اب تماشے میں وہی موڑ ہے آنے والا
تیرا کردار جہاں پاؤں پڑا سجتا ہے
قیمت و قدر بڑھاتے ہیں یہ رشتے ناطے
لعل دستار یا زیور میں جڑا سجتا ہے
۔۔۔۔۔۔۔۔۔۔۔۔۔۔۔۔۔۔۔۔۔
ہاتھ میں کاسہ ،کلائی میں کڑا سجتا ہے
در بڑا ہو تو سوالی بھی کھڑا سجتا ہے
میں تیرے کنجِ تغا فل سے نکلتی کیسے
میرا ساماں اسی کونے میں پڑاسجتا ہے
یہ الگ بات وہ دیوار میں خود ہوں لیکن
عشق دیوار گرانے پہ اَڑا سجتا ہے
دل پہ سامانِ زمانہ کبھی رکھا ہی نہیں
ا س گھڑونچی پہ محبّت کا گھڑا سجتا ہے
یہ صفِ دل زدگاں ہے، تجھے احساس رہے
تُویہاں صرف مرِے ساتھ کھڑا سجتا ہے
سر کئے جاؤں ترا کوہ ِ رفاقت یوں ہی
میرا جھنڈا اسی چوٹی پہ گڑا سجتا ہے
طاقِ محراب ِوفا میں ہے ٹھکانہ میرا
جو دیا بجھ نہ سکے، اس میں بڑا سجتا ہے
اب تماشے میں وہی موڑ ہے آنے والا
تیرا کردار جہاں پاؤں پڑا سجتا ہے
قیمت و قدر بڑھاتے ہیں یہ رشتے ناطے
لعل دستار یا زیور میں جڑا سجتا ہے
Comment