Tweet
چاند بُجھ گیا لیکن
پورے چاند کی شب تھی
آج بھی شبستاں کے
راہ رو بھٹکتے تھے
چاندنی درختوں پر
نم گزیدہ جھونکوں کا
جال سا بناتی تھی
بہتے بہتے خوابیدہ
وقت کی نگاہیں جو
خواب کی ہتھیلی پر
اک سوال بُنتی تھیں
اور تڑپ کے سردیلی
موج کپکپاتی تھی
دیر تک دریچوں سے
اک صدا اُبھرتی تھی۔۔۔۔۔
اک صدا اُبھرتی تھی
اور ڈوب جاتی تھی
چاند بجھ گیا لیکن
بے نوا صدائوں کا
کھیل اب بھی جاری ہے
رات ڈھل گئی لیکن
دور کے درختوں پر
درد کے ہیولوں کا
رقص اب بھی جاری ہے۔۔۔۔
گلناز کوثر
پورے چاند کی شب تھی
آج بھی شبستاں کے
راہ رو بھٹکتے تھے
چاندنی درختوں پر
نم گزیدہ جھونکوں کا
جال سا بناتی تھی
بہتے بہتے خوابیدہ
وقت کی نگاہیں جو
خواب کی ہتھیلی پر
اک سوال بُنتی تھیں
اور تڑپ کے سردیلی
موج کپکپاتی تھی
دیر تک دریچوں سے
اک صدا اُبھرتی تھی۔۔۔۔۔
اک صدا اُبھرتی تھی
اور ڈوب جاتی تھی
چاند بجھ گیا لیکن
بے نوا صدائوں کا
کھیل اب بھی جاری ہے
رات ڈھل گئی لیکن
دور کے درختوں پر
درد کے ہیولوں کا
رقص اب بھی جاری ہے۔۔۔۔
گلناز کوثر
Comment