بہت اُمید رکھنا اور پھر بے آس ہونا بھی

[.]

بہت اُمید رکھنا اور پھر بے آس ہونا بھی
بشر کو مار دیتا ھے بہت حساس ہونا بھی

سنو اِک کان سے، اور دوسرے سے پھینک دو باہر
بہت تکلیف دہ ہے صاحبِ احساس ہونا بھی

اگرچہ تم دکھاوے کے لئے ہی ساتھ ہو میرے
چلو، اِتنا ہی کافی ہے تمہارا پاس ہونا بھی

یونہی تو ابرِ رحمت کی طلب کرتا نہیں کوئی
ضروری ہے مقدر میں ذرا سی پیاس ہونا بھی

بہت سے قلب رک جاتے ہیں خوشیوں کی خبر پا کر
ہمیں تو خوب جچتا ہے غموں کا راس ہونا بھی

[pErIsH_BoY]

Re: بہت اُمید رکھنا اور پھر بے آس ہونا بھی

great sharing..................