Ye Bewafa Lakeeren hain.. (Dedicated to meh vish)

[pErIsH_BoY]

Hathon ki Lakeeron pe..
guftugo jab chal nikli..
Tab udas Lehjay mein
Mainy us se ye kaha,

Nazar mujhko nahi aata..
Tumhara Naam bilkul bhi..
In uljhi Lakeeron mein..
Tab palat k wo Bola...
Lakeeren jhoot hoti hain..

Tumhary Sath hoon Main To..
Tumhare paas hoon Main to..
Zaruri to nahi hota..
muqaddar ho Lakeeron mein..

Ye Bewafa Lakeeren hain..
Lakeeren bus Lakeeren hain..,
Aitbar mat krna..
Bewafa Lakeeron par..

Magr wo jhoot kehta tha..
Natija ye k uska Sath..
Nahi baqi raha
Lekin..
Lakeeren Ab Bhi Baqi Hain.