Tweet
داناؤں کی بستی میں
وہ ایک اکیلی پگلی تھی
آسمان سے باتیں کرتی تھی
کبھی چاند سے سکھ دکھ کہتی تھی
کبھی تکتی تھی سونی راہیں
کبھی چڑیا جیسی چہکتی تھی
کبھی جھیل سی چپ چپ بہتی تھی
کبھی قوسِ قزح سی نکھرتی تھی
کبھی اپنی باتوں سے بہلی تھی
کبھی خود میں خود ہی بکھری تھی
کبھی سمٹی تھی وہ رازوں میں
کبھی کیف میں یکدم پگھلی تھی
کبھی اشکوں کے جھلمل تارے
کبھی آنکھ خوشی سے کھلتی تھی
کبھی بارش برسی تھی من آنگن
کبھی خزاں کی پت جھڑ پڑتی تھی
کبھی برف سی جامد ہوتی تھی
کبھی شمع کی مانند جلتی تھی
سو قصے تھے سو باتیں تھیں
سو ارماں تھے سو یادیں تھیں
کتنے لفظ تھے کہیں درونِ دل
کبھی خامشی میں وہ سنبھلتی تھی
ہاں ۔۔ داناؤں کی بستی میں
وہ ایک اکیلی پگلی تھی!
وہ ایک اکیلی پگلی تھی
آسمان سے باتیں کرتی تھی
کبھی چاند سے سکھ دکھ کہتی تھی
کبھی تکتی تھی سونی راہیں
کبھی چڑیا جیسی چہکتی تھی
کبھی جھیل سی چپ چپ بہتی تھی
کبھی قوسِ قزح سی نکھرتی تھی
کبھی اپنی باتوں سے بہلی تھی
کبھی خود میں خود ہی بکھری تھی
کبھی سمٹی تھی وہ رازوں میں
کبھی کیف میں یکدم پگھلی تھی
کبھی اشکوں کے جھلمل تارے
کبھی آنکھ خوشی سے کھلتی تھی
کبھی بارش برسی تھی من آنگن
کبھی خزاں کی پت جھڑ پڑتی تھی
کبھی برف سی جامد ہوتی تھی
کبھی شمع کی مانند جلتی تھی
سو قصے تھے سو باتیں تھیں
سو ارماں تھے سو یادیں تھیں
کتنے لفظ تھے کہیں درونِ دل
کبھی خامشی میں وہ سنبھلتی تھی
ہاں ۔۔ داناؤں کی بستی میں
وہ ایک اکیلی پگلی تھی!
Comment