Tweet
Meri mout he meri hamsafr, meri zindagi bhi ajeeb he.
Mere charon taraf he jalwa gar teri be-rukhi bhi ajeeb he.
Mera dard he lab-e-aashna teri ranjishon k azab se.
Mere shair hen mere chara gar meri dil lagi bhi ajeeb he.
Jo he tana zan meri zat par, mujhe un se koi gila nhi.
Mujhe jan se hen azeez tar meri dosti bhi ajeeb he.
Min lahu jigar se guzar kar, tujhe naql karta hon warq warq.
He qalam ki nok se mukhtasir teri aagahi bhi ajeeb he.
Min pehar ki tapti hawaon se, kari dhoop min khara be khabar.
Sar-e-rah-guzar tera muntazir, meri be basi bhi ajeeb he.
Comment