Tweet
کھوئے ہوئے اک موسم کی یاد میں
سمائے میری آنکھوں میں خواب جیسے دن
وہ مہتاب سی راتیں گلاب جیسے دن
وہ گنج شہرِ وفا میں سحاب جیسے دن
وہ دن کہ جن کا تصّور متاعِ قریہ دل
وہ دن کہ جن کی تّجلی فروغ ہر محفل
گئے وہ دن تو آندھیروں میں کھو گئی منزل
فضا کا جبر شکستہ پَروں پہ آپہنچا
عذاب در بدری بے گھروں پہ آپہنچا
ذرا سی دیر میں سورج سروں پہ آپہنچا
کِسے دکھائیں یہ بے مائیگی حزینوں کی
کٹی جو فصل تو غُربت بڑھی زمینوں کی
یہی سزا ہے زمانے میں بے یقینوں کی
سمائے میری آنکھوں میں خواب جیسے دن
وہ مہتاب سی راتیں گلاب جیسے دن
وہ گنج شہرِ وفا میں سحاب جیسے دن
وہ دن کہ جن کا تصّور متاعِ قریہ دل
وہ دن کہ جن کی تّجلی فروغ ہر محفل
گئے وہ دن تو آندھیروں میں کھو گئی منزل
فضا کا جبر شکستہ پَروں پہ آپہنچا
عذاب در بدری بے گھروں پہ آپہنچا
ذرا سی دیر میں سورج سروں پہ آپہنچا
کِسے دکھائیں یہ بے مائیگی حزینوں کی
کٹی جو فصل تو غُربت بڑھی زمینوں کی
یہی سزا ہے زمانے میں بے یقینوں کی