Tweet
Sath roti thi mere sath hansa karti thi.
Wo larki jo mere dil min basa karti thi.
Meri chahat ki talabgar thi wo is qadar k.
Namazon min milne ki dua karti thi.
Aik pal ka bichrna bhi gawara na tha us ko.
Rote rote wo mjhe khud se juda karti thi.
Mere dil min wo rahi dharkan ban kar.
Aur saye ki trah sath chala karti thi.
Rog-e-dil jo laga bethi thi anjane min.
Meri aghosh min marne ki dua karti thi.
Bat qismat ki he jo juda ho gaye hum.
Warna wo to mujhe taqdir kaha karti thi.
