Tweet
بَن باس
رات دن خواب بُنتی ہوئی زندگی
دل میں نقدِ اضافی کی لَو
آنکھ بارِ امانت سے چُور
موجِ خوں بے نیازِ مآل
دشتِ بے رنگ سے درد کے پھول چُنتی ہوئی زندگی
خوفِ داماندگی سے خجل
آرزوؤں کے آشوب سے مضمحل
مُنہ کے بل خاک پر آ پڑی
ہر طرف اک بھیانک سکوت
کوئی نوحہ نہ آنسو نہ پھول
حاصلِ جسم و جاں بے نشاں راہگزاروں کی دُھول
اجنبی شہر میں
خاک بَرسر ہوئی زندگی
کیسی بےگھر ہوئی زندگی
رات دن خواب بُنتی ہوئی زندگی
دل میں نقدِ اضافی کی لَو
آنکھ بارِ امانت سے چُور
موجِ خوں بے نیازِ مآل
دشتِ بے رنگ سے درد کے پھول چُنتی ہوئی زندگی
خوفِ داماندگی سے خجل
آرزوؤں کے آشوب سے مضمحل
مُنہ کے بل خاک پر آ پڑی
ہر طرف اک بھیانک سکوت
کوئی نوحہ نہ آنسو نہ پھول
حاصلِ جسم و جاں بے نشاں راہگزاروں کی دُھول
اجنبی شہر میں
خاک بَرسر ہوئی زندگی
کیسی بےگھر ہوئی زندگی