Tweet
Jo mujh se pucha he aj tum ne.
K min tumhara hon kia batao?
To khud hi socho tum aik pal ko.
Bhala min kese tumhen bataon??
He tum se mera wohi taluq.
Jo apne saye se he shajar ka.
Wohi jo khursheed se qamar ka.
Kisi ki aankhon k mast doron se.
Us k mehboob ki jhalak ka.
Gulon se hota he jo mehak ka.
Min hon badan, to tum us ki jan ho.
Lahu ki soorat meri ragon min.
Har aik lamhe rawan dawan ho.
Namaz hon min to tum azan ho.
Makeen hon min to tum makaan ho.
Zameen hon min tum aasman ho.
Wohi taluq.
Jo rooh se he kisi badan ka.
Jo bagbanon se kisi chaman ka.
He guftagu se kisi dehan ka.
Jo barishon ka zameen se he.
Ibadaton ka jabeen se he.
Tum hi baharon ki dilkashi ho.
Tum hi to ankhon ki roshni ho.
Tum hi ujala, tum hi saba ho.
Tum aarzu, tum hi wafa ho.
Wohi taluq.
Samandron ka jo seep se he.
Wohi jo baali ka deep se he.
