mujhay sehal ho gain manzilain, wo hawa ke rukh bhi badal gaye

[maya]

mujhay sehal ho gain manzilain, wo hawa ke rukh bhi badal gaye
tera haath haath main aa gaya ke chiragh rah main jal gaye

wo lajaye mere sawal per ke utha sake na jhuka ke ser
urri zulf chehray pe iss tarah ke shabon ke raz machal gaye

wohi baat jo na wo keh sakay, mere shair-o-naghma main aa gai
wohi lab na main jinhain choo saka, qadah-e-sharab main dhal gaye

wohi asatan hai wohi jabeen, wohi ashk hai, wohi aasteen
dil-e-zar to bhi badal kahin ke jahan ke taur badal gaye

tujhay chashm-e-mast pata bhi hai ke shabab garmi-e-bazm hai
tujhay chashm-e-mast khabar bhi hai ke sab abgeenay pighal gaye

mere kaam aa gain akhrish yahi kawashain yahi gardishain
barhin iss qadar meri manzilain ke qadam ke khar nikal gaye

[I Am In Love]

Re: mujhay sehal ho gain manzilain, wo hawa ke rukh bhi badal gaye

Bohat Khoob :)