Tweet
Ajab pagal si larki he.
Wo mujh se jab bhi milti he.
Mujhe har bar kehti he.
Tere hone se meri zat ki takmeel hoti he.
Use maloom bhi he min to khud ik aam larka hon.
Magr wo mujh se kehti he.
Nhi tum sa koi dooja.
Ajab pagal si larki he.
Wo mujh se jab bhi milti he.
Naya ik nam deti he, nayi pehchan deti he.
Mere andar k sab mosam bina mere kahe hi wo hamesha jan leti he.
Meri barson purani bat bhi wo yad rakhti he.
Mujhe har bar kehti he.
Teri aawaz ka jadu mujhe sone nhi deta.
Ajab pagal si larki he.
Wo mujh se jab bhi milti he.
To pehron mujh ko takti he.
Use har rang, jo min ne ho pehna, acha lagta he.
Use har khwab, jo min ne ho dekha, sacha lagta he.
Ajab pagal si larki he.
Wo mujh se jab bhi milti he.
Mujhe har bar kehti he.
Teri muskan janam zindagi min rang bharti he.
Mujhe dukh k andheron min kabhi khone nhi deti.
Use mujh ko mujhi ko sochne ki jane kia zid he.
Ho din ka koi bhi lamha, andheri rat ka pal ho.
Wo mujh ko socha karti he, mujhi ko yad rakhti he.
Ajab pagal si larki he.
Wo mujh se jab bhi milti he.
Hazaron bar kehti he.
Mujhe tum se mohabbat hi nhi he, ishq he janam.
Bas ik pal min wo apna ap mujh ko sonp deti he.
Min us pagal si larki k liye ab aur kia likhon.
Mujhe us ko batana he.
K us ki muskurahat par.
Min duniya waar sakta hon.
Bas us ki aik hi aahat par.
Min jeewan haar sakta hon.
Mujhe us se mohabbat he.
Mujhe bhi ishq he us se.
Ajab pagal si larki he.
Ajab pagal sa min bhi hon.