Tweet
Aik shakhs ko dekha tha taaron ki trah hum ne.
Aik shakhs ko chaha tha apnon ki trah hum ne.
Aik shakhs ko samjha tha phoolon ki trah hum ne.
Wo shakhs qayamat tha kya us ki karen baten.
Din us k liye peda aur us ki hi thi raten.
Kab milta kisi se tha hum se thi mulaqaten.
Rang us ka shahabi tha zulfon min thi mehkaren.
Aankhen thi k jadu tha palken thi k talwaren.
Dushman bhi agar dekhen so jan se dil haren.
Kuch tum se wo milta tha baton min shahabat thi.
Han tum sa hi lagta tha shokhi min shararat min.
Lagta bhi tumhi sa tha dastur-e-mohabbat min.
Wo shakhs humen aik din apnon ki trah bhoola.
Taron ki trah dooba phoolon ki trah toota.
Phir hath na aya wo.
Hum ne bht dhoonda.
Tum kis liye chonke ho.
Kab zikar tumhara he.
Kab tum se taqaza he.
Kab tum se shikayat he.
Ik taza hikayat he.
Sun lo to inayat he.
Aik shakhs ko chaha tha apnon ki trah hum ne.
