Tweet
سنتے ہیں کہ مل جاتی ہے ہر چیز دعا سے
ایک روز تمہیں مانگ کے دیکھیں گے خدا سے
تم سامنے بیٹھے ہو ۔۔۔۔۔۔ تو ہے کیف کی بارش
وہ دن بھی تھے جب آگ برستی تھی گھٹا سے
اے دل تو اُنھیں دیکھ کر کچھ ایسے تڑپنا
آ جائے ہنسی اُن کو ۔۔۔۔۔۔۔ جو بیٹھے ہیں خفا سے
دنیا بھی ملی ہے ۔۔۔۔۔۔۔ غمِ دنیا بھی ملا ہے
وہ کیوں نہیں ملتا جسے مانگا تھا خدا سے
جب کچھ نہ ملا ہاتھ دعاؤں کو اُٹھا کر
پھر ہاتھ اٹھانے ہی پڑے ۔۔۔۔۔۔۔ ہم کو دعا سے
آئینے میں وہ اپنی ادا دیکھ رہے ہیں
مر جائے کہ جی جائے کوئی ۔۔۔۔۔۔ اُن کی بلا سے
Comment