Tweet
Ye jo saanp seerhi ka khail hai
Abhi saath the dono hum nawa
Wo bhi 1 pe, main bhi 1 pe
Usse seerhi mili wo charh gaya
Mujhe raaste mein hi duss lia
Mere bakhat k kisi saanp ne
Bari door se para lautna
Zakham kha k apne naseeb ka
Wo ninanwaye (99) pe pohanch gaya
Main 10 k phairr mein girr gaya
Usse 1 number tha chahiye
Jo nahi mila so nahi mila
Main barha to barhta chala gaya
Bus aik chok’kay ki baat thi
Magar jeetna meri maat thi
Maine jaan k gotti ghalat chali
Aur saanp k munh mein daal di
Ye jo Pyar hai ?
Kabhi sochna ye bhi “Saanp Seerhi” ka khail hai