پھیر لیتا ہے مجھ سے تو آنکھیں

[.]

غزل

پھیر لیتا ہے مجھ سے تو آنکھیں
چھوڑ دیتی ہیں آرزو آنکھیں

کوئی دیوانہ اس کو سمجھے گا
کر رہی ہیں جو گفتگو آنکھیں

پا لیا پھر بھی مدعا میں نے
چپ رہیں میرے روبرو آنکھیں

آئنہ جھوٹ کس طرح بولے
آئی ہیں اس کے روبرو آنکھیں

میں کہاں ان سے بچ کے جاؤں گا
رقص کرتی ہیں چار سو آنکھیں

جو مجھے مست الست کر دے گا
کب پلائیں گی وہ سبو آنکھیں

کون تصویر ہونے والا ہے
ہیں ابھی محوِ جستجو آنکھیں

کرچیاں ہو گئے ہیں خواب فصیح
ہو گئی ہیں لہو لہو آنکھیں

[pErIsH_BoY]

Re: پھیر لیتا ہے مجھ سے تو آنکھیں

nice hay

[maya]

Re: پھیر لیتا ہے مجھ سے تو آنکھیں

bht umda

[I Am In Love]

Re: پھیر لیتا ہے مجھ سے تو آنکھیں

Bohat Khoob
Keep Sharing...