Tweet
Suna hai diary likhte ho tum?
Kesa bhi mousam ho
Tumhare haath main
Qalm rehta hai
Apne dil ka saara bojh halka kerte ho
KaaghazoN se baateN kerte ho
LafzoN ki dunia banaate ho
Suna hai diary likhte ho tum?
Tumhari diariyoN maiN chhupa hai
Wo sub tum ne likha he
Jo tum ne jiya hai
DiariyoN ko sajaaya hai
UnheN banaaya hai
Suna hai bohat chah se rakhte ho?
Suna he diary likhte ho tum?
Mujhe bus aik baat poochni hai
Kabhi lafz December bhi likha hai tum ne?
December ki sard taweel raoN0n maiN
Kabhi to likha ho ga December ko
Kabhi nikla ho ga tumhare qalm se bhi
December dard?
Aur lafzoN maiN dhala ho ga
Wo dard sard
Itni diariyaN likh chuke ho tum to
Mujhe bus ye batao
December jub bhi likha hai tum ne
Tumhare aansoo bhi behte hain?
Tumhari zard aankhoN se bhi
Sard December behta hai?
Mujhe ye batao
Wo aansoo kese rokte haiN?
Suna hai
Diary likhte ho tum? <