sirf urdu writing poetry

[life.]

yeh thread mera life activity kay leye hai

ہـــم اس پـــر کچھ نہیں لکھیـــں گے

دل کـــا تـــمہارے جـــو صفـــحہ ہے
وہ آج بــھی بــلکل ســـادہ ہے
اس پر بھی تـــو لکھــا تھا ہــم نے
اک نــــــام کـــبھی
پــــــــیغام کـــبھی

اشــــــعار کـــبھی
ســــــرکار کـــبھی
وہ صـــفحہ تـــم نے دھو ڈالا
وہ صـــفحہ بـلکل ســـادہ ہے
اب کاغــذ کے اس صـفحے کو
کیـــوں آگے لاکے رکـھتی ہــو
کیوں نـــام پــیام اشعار لکھیں
ہــم لوگ تــو جو سرکار لکھیں
اک بــــــار لکـــھیں



2..

درد نہ جانے نی مائے
اس کے اپنے گیت نی مائے

گڑیا سے اب دل نا پہلے
چاند گیا ہے جیت نی مائے

وقت نے بیت ہی جانا تھا اور
وقت گیا بیت نی مائے

کرتا پھرے ہے دل دنیا میں
من مانی من میت نی مائے

بچھڑ گئی کوئل باغوں سے
بچھڑ گیا سنگیت نی مائے

باقی سارے رشتے جھوٹے
سچی تیری پریت نی مائے

[life.]

Re: sirf urdu writing poetry

میں اس کا پانچواں موسم
اسے تب یاد آؤں گا
کہ جب کچھ بھی نہیں ہوگا
نہ کوئی رنگ کا موسم
نہ رسم سنگ کا موسم
رہے گا یاد کا موسم
دل برباد کا موسم
اسے تب یاد آؤں گا
بہت ہی یاد آؤں گا —
__________________

[life.]

Re: sirf urdu writing poetry

مجھے اس زندگانی سے کوئی شکوہ نہیں لیکن
ذرا سی بے سکونی ہے
نجانے کیوں مرے دل میں
عجب اک خوف رہتا ہے
مجھے محسوس ہوتا ہے
کہ میرے دل کے دروازے پہ
تیری یاد کی دستک میں وہ شدت نہیں باقی
بہت سی خاص باتیں ہیں
جو مجھ کو عام لگتی ہیں
مرے دل میں انہیں سن کر کوئی طوفاں نہیں اُٹھتا
تری آنکھیں� ترا چہرہ
تری آواز کی رم جھم
سبھی کچھ خواب لگتا ہے
مجھے محسوس ہوتا ہے
سنہری تتلیوں جیسے
وہ سب خوش رنگ سے سپنے
مرے لفظوں کے پھولوں پر
بہت دن سے نہیں بیٹھے
مجھے محسوس ہوتا ہے
سمے کی تیز لہروں نے
ہمارے ریت کے کچے گھروندے توڑ ڈالے ہیں
مجھے اُن تیز لہروں سے
سنہری تتلیوں جیسے
سبھی خوش رنگ سپنوں سے
کوئی شکوہ نہیں لیکن
ذرا سی بے سکونی ہے
مجھے محسوس ہوتا ہے
تمہارے دل کے دروازے پہ میری یاد کی دستک
مری جاں اب نہیں ہوتی
مری جاں اب نہیں ہوتا
کہ میری یاد آئے تو
تمہاری آنکھ بھر آئے
دعائیں مانگتے لمحے
مجھے تم بھول جاتی ہو
مگر پھر مجھے تم سے
کوئی شکوہ نہیں لیکن
عجب سی بے سکونی ہے
عجب اک خوف ہے دل میں
میں تم کو بھول جاؤں
__________________

[life.]

Re: sirf urdu writing poetry


جب تیرا انتظار رہتا ہے
دل بہت بے قرار رہتا ہے

روح کو بے بسی سی رہتی ہے
درد با اختیار رہتا ہے

دل ہے بے چینیوں کی مٹھی میں
ذہن پر تو سوار رہتا ہے

اک تیرا دھیان آریوں کی طرح
روح کے آر پار رہتا ہے

وہم ہے یہ مجھے کہ تیری طرف
اک میرا غمگسار رہتا ہے

شب بہت بے قرار رہتا ہے
دن بہت سوگوار رہتا ہے

[life.]

Re: sirf urdu writing poetry

تیری کوشش تیری تدبیر ہونا چاہتی ہوں
میں تیرے ہاتھ کی تحریر ہونا چاہتی ہوں

تو میرے پاس آئے اور پلٹ کے نہ جائے
میں تیرے پاؤں کی زنجیر ہونا چاہتی ہوں

مجھے حجت نہیں اب دوسروں کے مشوروں کی
میں خود بھی شبِ تقدیر ہونا چاہتی ہوں

ازل سے خواب بن کر میری آنکھوں میں رہا ہے تو
میں اب شرمندہءِ تعبیر ہونا چاہتی ہوں

میں اس لیے مسمار خود کو کر رہی ہوں کہ
میں تیرے ہاتھ سے تعمیر ہونا چاہتی ہوں
__________________

[life.]

Re: sirf urdu writing poetry

ہجر میں خون رلاتے ہو کہاں ہوتے ہو ؟
لوٹ کر کیوں نہیں آتے ہو کہاں ہوتے ہو ؟

جب بھی ملتا ہے کوءی شخص بہاروں جیسا
مجھ کو تم کیسے بھلاتے ہو کہاں ہوتے ہو ؟

یاد آتی ہیں اکیلے میں تمھاری نیندیں
کس طرح خود کو سلاتے ہو کہاں ہوتے ہو ؟

مجھ سے بچھڑے ہو تو محبوب نظر ہو کس کے ؟
آج کل کس کو مناتے ہو کہاں ہوتے ہو ؟

شب کی تنہائی میں اکثر یہ خیال آتا ہے
اپنے دکھ کس کو سناتے ہو کہاں ہوتے ہو ؟

تم تو خوشیوں کی رفاقت کے لیے بچھڑے تھے
اب اگر اشک بہاتے ہو کہاں ہوتے ہو ؟

شہر کے لوگ بھی واثق یہی کرتے ہیں سوال
اب بہت کم نظر آتے ہو کہاں ہوتے ہو ؟
__________________

[life.]

Re: sirf urdu writing poetry


مجھے اکثر ستاروں سے یہی آواز آتی ہے
کسی کے ہجر میں نیندیں گنوا کر کچھ نہیں ملتا
جگر ہو جائیگا چھلنی یہ آنکھیں خون روئیں گی
وصی بے فیض لوگوں سے نبھا کر کچھ نہیں ملتا
__________________

[life.]

Re: sirf urdu writing poetry


ہـــم اس پـــر کچھ نہیں لکھیـــں گے

دل کـــا تـــمہارے جـــو صفـــحہ ہے
وہ آج بــھی بــلکل ســـادہ ہے
اس پر بھی تـــو لکھــا تھا ہــم نے
اک نــــــام کـــبھی
پــــــــیغام کـــبھی

اشــــــعار کـــبھی
ســــــرکار کـــبھی
وہ صـــفحہ تـــم نے دھو ڈالا
وہ صـــفحہ بـلکل ســـادہ ہے
اب کاغــذ کے اس صـفحے کو
کیـــوں آگے لاکے رکـھتی ہــو
کیوں نـــام پــیام اشعار لکھیں
ہــم لوگ تــو جو سرکار لکھیں
اک بــــــار لکـــھیں

[life.]

Re: sirf urdu writing poetry

بڑے دن سے گھٹا چھائی نہیں ہے
کسی کی زلف لہرائی نہیں ہے

نجانے ڈوبتا کیوں جا رہا ہوں
نگاہوں میں تو گہرائی نہیں ہے

بجز تیرے زمانے میں ہماری
کسی سے بھی شناسائی نہیں ہے

علی شاذف زمانے سے الگ ہے
وگرنہ کون ہرجائی نہیں ہے

[life.]

Re: sirf urdu writing poetry

’’تنہا نہ ہو سکے گی تطہیرِ ذات مجھ سے ‘‘

جوڑے نہ جا سکیں گر تارِ حیات مجھ سے


شاید چھپا رہے ہیں دنیا سے میری الفت

منہ غیر کی طرف ہے کرتے ہیں بات مجھ سے


چھوڑا جو تو نے مجھ کو، میں نے جہان چھوڑا

تیرے بغیر کیسے کٹتی حیات مجھ سے


پلکوں سے چن رہا ہوں کانٹے غمِ جہاں کے

کیا اور چاہتی ہے راہِ حیات مجھ سے


خود علم و آگہی سے رکھا ہے دور مجھ کو

اور پوچھتے ہیں آ کر رازِ حیات مجھ سے


بیگانہ لگ رہا تھا جو اپنے آپ سے بھی

اس شخص نے کہا ہے رازِ حیات مجھ سے


کیا جور کیا ستم ہے تلقینِ صبر مجھ کو

لیتے ہیں آپ بدلا وہ ہاتھوں ہاتھ مجھ سے


یکسانیت سے خوش ہے مجھ کو فنا کی منزل

لائی نہ جا سکے گی تابِ ثبات مجھ سے


اس آس پر ازل سے بازی لگا رہا ہوں

یہ زندگی کبھی تو کھائے گی مات مجھ سے


تعبیر پر توجہ یکسر نہیں ہے اس کی

کرتی ہے روز لیکن خوابوں کی بات مجھ سے


کچھ تو بتاتے جاؤ، کیا اس کو میں بتاؤں

آخر تمھاری بابت پوچھے گی رات مجھ سے


میں اس کے بھی تو ہر دم تھا شاد رہتا

غم نے چھڑا لیے ہیں آخر کو ہاتھ مجھ سے


کب تک فصیح اپنے ہاتھوں سے مات کھاؤں

کب تک مجھے ملے گی آخر نجات مجھ سے
__________________

[life.]

Re: sirf urdu writing poetry


درد نہ جانے نی مائے
اس کے اپنے گیت نی مائے

گڑیا سے اب دل نا پہلے
چاند گیا ہے جیت نی مائے

وقت نے بیت ہی جانا تھا اور
وقت گیا بیت نی مائے

کرتا پھرے ہے دل دنیا میں
من مانی من میت نی مائے

بچھڑ گئی کوئل باغوں سے
بچھڑ گیا سنگیت نی مائے

باقی سارے رشتے جھوٹے
سچی تیری پریت نی مائے

[life.]

Re: sirf urdu writing poetry

مجھ پر ستم ظریف زمانے کے ساتھ ساتھ
مسکرا رہا تھا حشر اٹھانے کے ساتھ ساتھ

میں مٹ رہا تھا ان کو مٹانے کے ساتھ ساتھ
رکتے تھے ہاتھ تیر چلانے کے ساتھ ساتھ

دشمن اگرچہ تھے وہ مگر تھے تو آدمی
دل رو رہا تھا ٹھیک نشانے کے ساتھ ساتھ

تھے عشق میں عجیب سے رخنے پڑے ہوئے
خود روٹھتا تھا مجھ کو منانے کے ساتھ ساتھ

ایسا لگا کہ غم کے سوا کچھ نہیں یہاں
عالم سسک رہا تھا دیوانے کے ساتھ ساتھ

اس شہر میں عجیب تماشہ ہے زندگی
ہنستے ہیں لوگ نیر بہانے کے ساتھ ساتھ

[life.]

Re: sirf urdu writing poetry

میرے چارہ گر، میرے چارہ گر
میرے درد کی تجھے کیا خبر
تو میرے سفر کا شریک ہے ، نہیں ہمسفر
تیرے ہاتھ سے میرے ہاتھ تک
وہ جو ہاتھ بھر کا تھا فاصلہ
کئی موسموں میں بدل گیا
اسے ناپتے ، اسے کاٹتے میرا سارا وقت نکل گیا
نہیں جس پہ کوئی نشان پا
میرے سامنے ہے وو راہ گزر
میرے چارہ گر، میرے چارہ گر
میرے درد کی تجھے کیا خبر
تو میرے سفر کا شریک ہے ، نہیں ہمسفر
یہ جو ریگ دشت فراق ہے
میرے راستوں میں بچھی ہوئی
کسی موڑ پہ رکے کہیں
یہ جو رات ہے میرے چار سو
مگر اس کی کوئی سحر نہیں
نہ چھاؤں ہے ، نہ ثمر کوئی
میں نے چھان دیکھا شجر شجر
میرے چارہ گر، میرے چارہ گر
میرے درد کی تجھے کیا خبر
تو میرے سفر کا شریک ہے ، نہیں ہمسفر

[life.]

Re: sirf urdu writing poetry

ا
یہ جانتے تھے کہ ملنا اداس کر دے گا
کسے خبر تھی کہ اتنا اداس کر دے گا

یہ جان کر بھی ہے کتنا ترا خیال عزیز
ترے خیال کا رہنا اداس کر دے گا

میں کچھ نہیں ہوں تو ہونے کی کوششوں میں ہوں
اگرچہ بعد میں ہونا اداس کر دے گا

وہ میرے گرد لگائے گا ڈھیر خوشیوں کا
اور اس طرح مجھے دگنا اداس کر دے گا

تما م دن میں پریشانیوں میں پھرتا رہا
کہ چاند شام کو کتنا ا داس کر دے گا

[life.]

Re: sirf urdu writing poetry

وہ دَمکتی ہوئی لَو کہانی ہوئی، وہ چمکدار شعلہ، فسانہ ہُوا
وہ جو اُلجھا تھا وحشی ہَوا سے کبھی، اُس دِیے کو بُجھے تو زمانہ ہُوا

ایک خُوشبو سی پھیلی ہے چاروں طرف اُسکے امکان کی اُسکے اعلان کی
رابطہ پھر بھی اُس حُسنِ بے نام سے، جس کا جتنا ہوا، غائبانہ ہُوا

باغ میں پُھول اُس روز جو بھی کِھلا اُسکے بالوں میں سجنے کو بے چین تھا
جو ستارہ بھی اُس رات روشن ہُوا، اُسکی آنکھوں کی جانب روانہ ہُوا

کہکشاں سے پَرے، آسماں سے پَرے، رہگزارِ زمان و مکاں سے پرے
مجھ کو ہر حال میں ڈھونڈنا تھا اُسے، یہ زمین کا سفر تو بہانہ ہُوا

اب تو اُسکے دِنوں میں بہت دُور تک، آسماں ہیں نئے اور نئی دُھوپ ہے
اب کہاں یاد ہو گی اُسے رات وہ جس کو گزرے ہوئے اِک زمانہ ہُوا

موسمِ وصل میں خُوب ساماں ہوئے، ہم جو فصلِ بہاراں کے مہماں ہوئے
گھاس قالین کی طرح بِچھتی گئی، سر پہ ابرِ رواں، شامیانہ ہُوا

اب تو امجدؔ جُدائی کے اُس موڑ تک درد کی دُھند ہے اور کچھ بھی نہیں
جانِ من! اب وہ دن لَوٹنے کے نہیں، چھوڑئیے اب وہ قصّہ پرانا ہُوا
__________________