vo baate.n terii vo fasaane tere

[maya]

vo baate.n terii vo fasaane tere
shaguftaa shaguftaa bahaane tere

bas ek zaKhm nazzaaraa hissaa meraa
bahaare.n terii aashiyaane tere

bas ek daaG-e-sajdaa merii qaayenaat
jabiine.n terii aastaane tere

zamiir-e-sadaf me.n kiran kaa muqaam
anokhe anokhe Thikaane tere

faqiiro.n kaa jamaghaT gha.Dii do gha.Dii
sharaabe.n terii baadaaKhaane tere

bahaar-o-Khizaa.N kam nigaaho.n ke vaham
bure yaa bhale sab zamaane tere

"Adam" bhii hai teraa hikaayat_kadaah
kahaa.N tak gaye hai.n fasaane tere

[Dr Fausts]

Re: vo baate.n terii vo fasaane tere

bahaar-o-Khizaa.N kam nigaaho.n ke vaham
bure yaa bhale sab zamaane tere



bohat khoob


:rose

[maya]

Re: vo baate.n terii vo fasaane tere

Thanks for comments nd visiting

bahaar-o-Khizaa.N kam nigaaho.n ke vaham
bure yaa bhale sab zamaane tere



bohat khoob


:rose