ashaar

[.]

Re: ashaar

gum dil-e-veHshi hu'a a'alam nazar meiN hai siyah
sham'a lekar zarrah zarrah Khaak-e-seHraa dekhiye

[.]

Re: ashaar

"waa houe hergiz nah wo uqde jo thay taqdeer ke

saAy karte karte naakhun ghis gaye tadbeer ke".

[.]

Re: ashaar

mujh se poochhe hai bigaR kar woh Haqeeqat meri
kuchh tau ai beKhabari baat banaane de mujhe--Jurra't

[.]

Re: ashaar

ab jo is shahr ki taqdeer ho, maiN to logo
dar-o-deewaar pe hasrat ki nazar kar aayaa

[.]

Re: ashaar

waaye nadaani ke waqt-e-marg yeh caabit hu'a
Khwaab thha jo kuchh ke dekha, jo sunaa afsaana thha

[.]

Re: ashaar

"beemaar tandurust hou dekhe jou rooy-e-yaar

kyaa chaashni hei sharbat-e-deedaar ke liye".

[.]

Re: ashaar

fard khaim rabt.e. milat se hey tanha kuch nahin
moouj hey derya main aour beroon.e.derya kuch nahin.

[.]

Re: ashaar

aahoN ne meri Khirman-e-hasti jalaa diya
kya muNh dikhaunga tiri barq-e-nazar ko maiN--AsGhar

[.]

Re: ashaar

"le saans bhee aahistah ke nazuk hei bahut kaam

aafaaq kee is kaargah-e-sheesha-gari kaa".

[.]

Re: ashaar

Haasil-e-ulfat na dekhaa juz shikast-e-aarzoo
dil ba dil paiwasta goya yak lab-e-afsos thha--Ghalib

[.]

Re: ashaar

hamne tanhaaie ko mahboob banaa rakhaa hai
raakh ke Dher meiN sholoN ko chhupaa rakhaa hai !

[.]

Re: ashaar

aablay paaoN ke kya tuu ne hamaare toRay
Khaar-e-seHraa-e-junooN! arsh ke taare toRay

[.]

Re: ashaar

apanii galii meiN mujh ko na kar dafn baad-e-qatl
mere pate se Khalq ko kyuN teraa ghar mile?!

[.]

Re: ashaar

apni wafaa ph aap pashemaan hain hum mager
unki jafa pey unko pashemaan nh ker sakey

[.]

Re: ashaar

jis chashm ne mujh taraf nazar kii
us chashm ko maiN pur_aab dekhaa--'Sauda'