ashaar

[.]

Re: ashaar

apnaa chehraa hi muzayyan ho agar daaghoN se,
aaeenoN se to vazaaHat naheeN maaNgi jaati

[.]

Re: ashaar

merii aour uskii nigaahoN ka tasaadum kuchh na poochh
beKhudii meN aaine se aainaa Takraa gayaa

[.]

Re: ashaar

mazhab koii lauTaale, aour uskii jagah de de
tahziib saliike kii, insaan qariine ke

[.]

Re: ashaar

her aik inse bachata hey apney daamun ko .
chaman main rehke bhi kantoun ki zindagi kiya hey.

[.]

Re: ashaar

vo apne taur pe detaa rahaa sazaa mujhko
hazaar baar likhaa aour miTaa diya mujhko

[.]

Re: ashaar

tujhe sajdoN ke evaz mil na sakii rooh-e-bashar
hamne sir de ke Khudaaii ka bharam jiita hai

[.]

Re: ashaar

duniya ne tajribaat-o-havaadis kee shakl meiN
jo kuchh mujhe diyaa hai voh lauTa rahaa hooN maiN

[.]

Re: ashaar

chamak rahii hai jo abr-e-sikhaah meiN bijali,
firaaq meiN yahii naqshaa tha hoo-bahoo mera!

[.]

Re: ashaar

abhii kuchh der hai shaayad mere maayoos hone meN
abhii kuchh din fareb-e-rahnumaa ko dekhtaa hooN maiN

[.]

Re: ashaar

tadbeer ke daste zareen se taqdeer darakshan hoti hey.
qhudrat bhi madad fermati hey jeb koshish e insaan hoti hey.

[.]

Re: ashaar

tamanna woh tamanna hai jo dil kee dil meN reh gae
jo mar kar bhee nah puree ho use armaan kehte haiN!

[.]

Re: ashaar

koh-e-anaa kii barf thii donoN jame rahe
jazboN kii tez dhoop se pighla na TU na MAIN

[.]

Re: ashaar

jab tere hukm milaa tark-e-muhabbat kar dii
dil magar us pe voh dhaRkaa k qiyaamat kar dii

[.]

Re: ashaar

log har baat kaa afsaana banaa lete haiN
sab ko haalaat ki rudaad sunaayaa na karo

[.]

Re: ashaar

ham bh~ee darya haiN hameeN apna hunar ma'loom hai
jis t^araf bh~ee chal paReN ge rastah ho jae ga!