AaKhirii Tiis Aazamaane Ko...!

[naz]

aaKhirii Tiis aazamaane ko
jii to chaahaa thaa muskuraane ko

yaad itanii bhii saKht_jaa.N to nahii.n
ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu
log ha.Nsate rahe dikhaane ko

zaKhm-e-naGmaa bhii lau to detaa hai
ik diyaa rah gayaa jalaane ko

jalane vaale to jal bujhe aaKhir
kaun detaa Khabar zamaane ko

kitane majabuur ho gaye ho.nge
ankahii baat muu.Nh pe laane ko

khul ke ha.Nsanaa to sab ko aataa hai
log tarasate rahe ik bahaane ko

rezaa rezaa bikhar gayaa insaa.N
dil kii viiraaniyaa.N jataane ko

hasarato.n kii panaah_gaaho.n me.n
kyaa Thikaane hai.n sar chhupaane ko

haath kaa.NTo.n se kar liye zaKhmii
phuul baalo.n me.n ik sajaane ko

aas kii baat ho ki saa.Ns 'Ada'
ye Khilaune hai.n TuuT jaane ko

[Shab]

Re: AaKhirii Tiis Aazamaane Ko...!

Nice

[Baad-e-Saba]

Re: AaKhirii Tiis Aazamaane Ko...!

very nice

[aik_lerki]

Re: AaKhirii Tiis Aazamaane Ko...!

Bohat khoob :rose

[Hamsafar]

Re: AaKhirii Tiis Aazamaane Ko...!

Ala Je Ala:rose

[dukhi]

Re: AaKhirii Tiis Aazamaane Ko...!

kon huta hay shareek-e-gham main aye dost
tehnii bhi sookhey huye pattey ko gira deti hay.....

[MuQadas]

Re: AaKhirii Tiis Aazamaane Ko...!

bohat khoob zabar10 naz ji great sharing

[Gul]

Re: AaKhirii Tiis Aazamaane Ko...!

Hath kantoun say kar liyay zukhmi....
Phool baloun mein ek sajanay ko...
It is a Very Nice Sharing Naz !