Tweet
اسائش امروز
اس سے پہلے کہ گزر جا ئیں یہ لمحات نشاط
اس سے پہلے کہ یہ کلیاں بھی فسردہ ہو جائیں
اس سے پلے کہ بدل جائے مزاج احساس
اس سے پہلے کہ یہ حالات مردہ ہو جائیں
اس سے پہلے کہ بدل جائے نظر کا انداز
اس سے پہلے کے نظاروں کو نظر لگ جائے
اس سے پہلے کہ لباس شب ِ خاموش ہو چاک
اس ست پہلے کے ستاروں کو نظر لگ جائے
جذبہ شوق کو اظہار پہ آمادہ کرو
لبِ خاموش کو گفتار پہ آمادہ کر و
اور اگر تم کو محبت ہی نہیں مجھ سے
تو مرے بت کدہ وہم کو ویراں کر دو
غلط انداز اداوں کو ابھی سمجھا لو
غلط اندیش وفائوں کو پشیماں کر دو
حسن کا عشق نگبہاں۔۔گر اے جان جہاں
وقت سے شیوہ لمحات سے دل ہے لرزاں
کون جانے کہ سر شام جلیں کیسے چراغ
کس کو معلوم دم صبح جوانی ہو کہاں
چاند یہ رات کے سینے کا دمکتا ہوا داغ
چاند یہ کتنے ہی مایوس اندھیروں کا چراغ
اس سے اہرام کی تہذیب کو مرتے دیکھا
بے نیازانہ زمانے کو گزرتے دیکھا
سرد مہری بھی زمانے کی ہے اس کو معلوم
اس نے تاریخ کے ہر زخمکو بھرتے دیکھا
اس نے بابل کے طرب خیز چمن زاروں میں
رنگِ تاریخ نکھرتے ہوئے دیکھا ہوگا
یہ اجنتا او ایلورا کے سیہ خانوں میں
اُن کی شب ہائے درخشاں میں بھی چمکا ہوگا
وقت گزرا ہے، گزرتا ہے، گزر جائے گا
ساز امروز کا ہر تار بکھر جائے گا
اے متاع دل وجاں رات گزر جائے گی
وقت اک بات ہے اور بات گزر جائے گی
حسن اور عشق کے پابند نہیں یہ لمحات
فرصت شوق و عنایات گزر جائے گی
ساز ہستی ہمہ تن سوز ہے اور کچھ بھی نہیں
ہر سحر شام غم اندوز ہے اور کچھ بھی نہیں
صنعت و فلسفہ و فن و تخیل کا مآل
شاید آسائیش امروز ہے اور کچھ بھی نہیں
اس سے پہلے کہ گزر جا ئیں یہ لمحات نشاط
اس سے پہلے کہ یہ کلیاں بھی فسردہ ہو جائیں
اس سے پلے کہ بدل جائے مزاج احساس
اس سے پہلے کہ یہ حالات مردہ ہو جائیں
اس سے پہلے کہ بدل جائے نظر کا انداز
اس سے پہلے کے نظاروں کو نظر لگ جائے
اس سے پہلے کہ لباس شب ِ خاموش ہو چاک
اس ست پہلے کے ستاروں کو نظر لگ جائے
جذبہ شوق کو اظہار پہ آمادہ کرو
لبِ خاموش کو گفتار پہ آمادہ کر و
اور اگر تم کو محبت ہی نہیں مجھ سے
تو مرے بت کدہ وہم کو ویراں کر دو
غلط انداز اداوں کو ابھی سمجھا لو
غلط اندیش وفائوں کو پشیماں کر دو
حسن کا عشق نگبہاں۔۔گر اے جان جہاں
وقت سے شیوہ لمحات سے دل ہے لرزاں
کون جانے کہ سر شام جلیں کیسے چراغ
کس کو معلوم دم صبح جوانی ہو کہاں
چاند یہ رات کے سینے کا دمکتا ہوا داغ
چاند یہ کتنے ہی مایوس اندھیروں کا چراغ
اس سے اہرام کی تہذیب کو مرتے دیکھا
بے نیازانہ زمانے کو گزرتے دیکھا
سرد مہری بھی زمانے کی ہے اس کو معلوم
اس نے تاریخ کے ہر زخمکو بھرتے دیکھا
اس نے بابل کے طرب خیز چمن زاروں میں
رنگِ تاریخ نکھرتے ہوئے دیکھا ہوگا
یہ اجنتا او ایلورا کے سیہ خانوں میں
اُن کی شب ہائے درخشاں میں بھی چمکا ہوگا
وقت گزرا ہے، گزرتا ہے، گزر جائے گا
ساز امروز کا ہر تار بکھر جائے گا
اے متاع دل وجاں رات گزر جائے گی
وقت اک بات ہے اور بات گزر جائے گی
حسن اور عشق کے پابند نہیں یہ لمحات
فرصت شوق و عنایات گزر جائے گی
ساز ہستی ہمہ تن سوز ہے اور کچھ بھی نہیں
ہر سحر شام غم اندوز ہے اور کچھ بھی نہیں
صنعت و فلسفہ و فن و تخیل کا مآل
شاید آسائیش امروز ہے اور کچھ بھی نہیں
Comment