Tweet
اک فلسفی ووست کے لیے
یہ فلسفی
کبھی گمان ہے ذروں پہ کائناتوں کا
کبھی خیال بھٹکنے لگا خلاوں میں
کبھی یہ سوز کہ دھوکا ہے آفرینش دہر
کبھی یہ ساز کہ کچھ راز ہے ہواوئں میں
کبھی بیان کی سب قوتیں رہیں مرکوز
خیال و خواب کے ڈھالے ہوئے خدائوں میں
کبھی یہ درد کہ دشوار ہے حصول سکون
رقابتیں ہیں عناصر کے دیوتائوں میں
کبھی یقین سے تلقین کوشش پہیم
کبھی شکوک کی آمیزش دعاوں میں
کبھی شعور پہ تحت الشعور کا افسوں
ہوس کے رنگ خواتین کی ادائوں میں
کبھی ہے مادہ روحانیت کی لوح مزار
کبھی ہے روح دو عالم کے کببریائوں میں
کبھی یہ حکم کے جمہوریت ہے راہ نجات
کبھی پناہیں شہنشاہوں کی قبائوں میں
کبھی یہ قول، تغیر ہے زندگی کا ثبوت
کبھی یہ وہم حقیقت ہے پارسائوں میں
کبھی سماج کی زنجر پہ کڑی تنقید
کببھی رواج کی گنتی ہے کیمایوں میں
کبھی گناہ پہ الزام، انحطاط حیات
کبھی حیات کی رعنائیاں |خطائوں میں
کبھی غرور امیروں کی ہم نشینی پر
کبھی سرور غریبوں کی التجائوں میں
کبھی شور کہ منزل قریب آ پہنچی
کبھی گلے کہ ابھی بیڑیاں ہیں پائوں میں
میں جانتا ہون،میں جانوں گا، میں نہ جان سکا
یہ غلغلے ہیں ان اسرار کے گدائوں میں
Comment