Tweet
رنگ برنگے شیشوں کے سب توڑ گئے کاشانے لوگ
کیا جانے کس شہر سے آئے پتھر برسانے لوگ
آج خدا جانے کس دھن میں آئے تھے میخانے لوگ
کم ظرف ساقی تھی اور توڑ گئے پیمانے لوگ
ہم کو یہ احساس کہاں تھا ایسے بھی دن آئیں گے
غیروں سے منسوب کریں گے اپنے ہی افسافے لوگ
اپنے گھر کو جلتا دیکھوں کچھ نہ کہوں خاموش رہوں
کیسی کیسی باتیں مجھ سے آتے ہیں منوانے لوگ
میرے شہر میں رہنے والے پاگل ہیں یا پتھر ہیں
گلیاں ساری راکھ ہوئیں تو دوڑے آگ بجھانے لوگ
شہر جنوں میں دیوانے تو اور بھی تھے اے یاد مگر
آئے ہماری سمت ہی پتھر خوب ہمیں پہچانے لوگ
Comment