Mere pasindeeda poetry ka Collection

[.]

Re: Mere pasindeeda poetry ka Collection

جو جسم کا ایندھن تھا
گلنار کیا ہم نے
وہ زہر کہ امرت تھا
جی بھر کے پیا ہم نے
سو زخم ابھر آئے
جب دل کو سیا ہم نے
کیا کیا نہ مَحبّت کی
کیا کیا نہ جیا ہم نے
لو کوچ کیا گھر سے
لو جوگ لیا ہم نے
جو کچھ تھا دیا ہم نے
اور دل سے کہا ہم نے
رکنا نہیں درویشا

[.]

Re: Mere pasindeeda poetry ka Collection

ہم جو باتیں جنوں میں بکتے ہیں
دیکھنا جاودانیاں ہوں گی

تیری محفل میں ہم نہیں ہوں گے
پر ہماری کہانیاں ہوں گی
(شاعر: جون ایلیا)

[.]

Re: Mere pasindeeda poetry ka Collection

''پھر"

اور ___
پھر ___
اس نے کہہ دیا مجھ سے
لوٹ جاؤ یہ در نہیں کھلنا,,
اپنے سارے سوال بھی لے لو,
میں نے دامن میں سب سمیٹ لیا.
پر ـــــــ مرے تار تار دامن سے
میرے سارے سوال,
سارے ملال.
اورــــــــــ آنکھوں میں تیرتی حسرت
سب کے سب گر پڑے اسی در پر
میں اکیلی پلٹ کے
کیا کرتی____؟

[.]

Re: Mere pasindeeda poetry ka Collection

مجھے تنہائی کے دُکھ نے ۔۔۔۔۔۔۔۔۔۔!!!

مجھے تنہائی کے دُکھ نے
بہت حیران رکھا ہے !
حقیقت اِس طرح سے ہے
حقیقت اُس طرح سے ہے
میں کوئی بات بھی سوچوں
میں اپنی ذات کو کھوجوں
سمجھ میں کچھ نہیں آتا !
نظر بھی کچھ نہیں آتا !
اُداسی ہی اُداسی ہے !!!

خیالوں میں
سوالوں میں
کسی کے رُوٹھ جانے میں
کسی کے مان جانے میں
کسی کے چھوڑ جانے میں
کسی کے لوٹ آنے میں
اُداسی ہی اُداسی ہے !!!

مجھے تنہائی کے دُکھ نے ۔۔۔۔۔۔۔۔۔۔!!!

[.]

Re: Mere pasindeeda poetry ka Collection

یوں تو میرے خلوص کی قیمت بھی کم نہ تھی
کچھ کم شناس لوگ تھے دولت پہ مرگئے ۔

[.]

Re: Mere pasindeeda poetry ka Collection

خود کو کھودا تو تیری یاد کے کھنڈر نکلے
جانے والے __ تیرے ٹکڑے مرے اندر نکلے

[.]

Re: Mere pasindeeda poetry ka Collection

مری اداسی کا زرد موسم
اگر کسی دن
مری بجھی آنکھ کے کنارے
بھگو بھگو کر
انا کے پاتال کی کسی تہہ میں
ایک پل ٹھہر گیا تو
مجھے یقیں ہے
کہ ٹوٹتے دل میں خواہشوں کا
کوئی چھناکا
مرا بدن بھی نہ سن سکے گا

[.]

Re: Mere pasindeeda poetry ka Collection

رات گذرتے شاید تھوڑا وقت لگے
ذرا سی دھوپ انڈیل میرے پیمانے میں

[.]

Re: Mere pasindeeda poetry ka Collection

اس خاک کو ہدایت دے مولا
اُس خاک میں ملنے سے پہلے

[.]

Re: Mere pasindeeda poetry ka Collection

ہوا مجھ پر ہنسے گی اس دفعہ بھی
میں دستک پر اگر۔۔۔۔۔۔۔۔۔۔۔۔۔۔۔۔ باہر گیا تو

[.]

Re: Mere pasindeeda poetry ka Collection

اب وہ طوفاں ہے نہ وہ شور ہواؤں جیسا
دِل کا عالَم ہے تِرے بعد ، خلاؤں جیسا

[.]

Re: Mere pasindeeda poetry ka Collection

نجانے کس کو ضرورت پڑے اندھیرے میں
چراغ راہ میں دیکھا تھا ، گھر نہیں لایا

گُلِ سیاہ کِھلا ھے تو رو پڑا ھُوں میں
کہ روشنی کا شجر بھی ثمر نہیں لایا

سوائے اسکے،، تعارف کوئی نہیں میرا۔
مَیں وُہ پرندہ ھُوں جو اپنے پَر نہیں لایا

[.]

Re: Mere pasindeeda poetry ka Collection

اے عشق مجھے آزاد کرو !!!

کتنی ہی
زنجیریں
دل میں
نوکیلے تپتے آہن سے بھی
کہیں زیادہ چبھتی ہیں
اور گھٹن کی بوجھل دیواریں تو
جیسے پشت اور سینے پر تعمیر ہوئی ہوں
عجب عجب سے پچھتاوے
اور بلا جواز پیشمانی سی
سانسوں اور آنکھوں میں اکثر
پسی ہوئی مرچوں کی سُلگن دور دور تک بھر دیتی ہے
بے چینی کے حلقے روح کو
سختی سے جکڑے رکھتے ہیں
آنسو گلے کو
اندر سے پکڑے رکھتے ہیں
ہجر کی جیلیں
شہر کی جیلوں سے بڑھ چڑھ کر
عمر دبوچ لیا کرتی ہیں
جو کچھ کرنا ہو آخر میں
پہلے سوچ لیا کرتی ہیں

[.]

Re: Mere pasindeeda poetry ka Collection

عجب حالات تھے یوں دل کا سودا ہو گیا آخر
محبت کی حویلی جس طرح نیلام ہو جائے
مجھے معلوم ہے اس کا ٹھکانہ پھر کہاں ہو گا
پرندہ آسماں چھونے میں جب ناکام ہو جائے

[.]

Re: Mere pasindeeda poetry ka Collection

ﮐﺲ ﻧﮯ ﺩﯾﮑﮭﺎ ﺗﮭﺎ ﭨﻮﭨﻨﺎ ﺍﭘﻨﺎ
ﮨﻢ ﺟﻮ ﭨﻮﭨﮯ ﺗﻮ ﺭﺍﺋﯿﮕﺎﮞ ﭨﻮﭨﮯ