Mere pasindeeda poetry ka Collection

[.]

Re: Mere pasindeeda poetry ka Collection


وقت روٹھ جاتا ہے
دو گھڑی کی رنجش میں
چھوٹی چھوٹی باتوں پر
اک ذرا ستانے پر...
دیر سے منانے پر ..

[.]

Re: Mere pasindeeda poetry ka Collection



کیسے کایگر ہیں یہ!
آس کے درختوں سے
لفظ کاٹتے ہیں اورسیڑھیاں بناتے ہیں!

کیسے با ہنر ہیں یہ!
غم کے بیج بوتے ہیں
اور دلوں میں خوشیوں کی کھیتیاں اُگاتے ہیں

کیسے چارہ گر ہیں یہ!
وقت کے سمندر میں
کشتیاں بناتے ہیں آپ ڈوب جاتے ہیں

[.]

Re: Mere pasindeeda poetry ka Collection



ﺳﻨﻮ!
ﺟﻮ ﻣﺴﮑﺮﺍﺗﮯ ﮨﯿﮟ ، ﺍﻧﮩﯿﮟ ﺑﮭﯽ ﺭﻭﮒ ﮨﻮﺗﮯ ﮨﯿﮟ
ﺑﮩﺖ ﻣﺠﺒﻮﺭ ﮨﻮﺗﮯ ﮨﯿﮟ
ﺭﺍﺗﯿﮟ ﺟﺎﮔﺘﯽ ﺍﻧﮑﯽ ، ﺩﻋﺎﺅﮞ ﻣﯿﮟ ﮔﺰﺭﺗﯽ ﮨﯿﮟ
ﻧﮕﺎﮨﯿﮟ ﺑﮭﯿﮕﺘﯽ ﮨﯿﮟ ﺍﻭﺭ ﭘﻠﮑﯿﮟ ﺑﮭﯽ ﻟﺮﺯﺗﯽ ﮨﯿﮟ
ﻧﮧ ﻣﺎﺿﯽ ﺑﮭﻮﻟﺘﺎ ﺍﻥ ﮐﻮ ﻧﮧ ﮐﻮﺋﯽ ﺁﺱ ﮨﻮﺗﯽ ﮨﮯ
ﻓﻘﻂ ﺍﮎ ﭘﯿﺎﺱ ﮨﻮﺗﯽ ﮨﮯ
ﺟﻮ ﺟﯿﻨﮯ ﺑﮭﯽ ﻧﮩﯿﮟ ﺩﯾﺘﯽ
ﺟﻮ ﻣﺮﻧﮯ ﺑﮭﯽ ﻧﮩﯿﮟ ﺩﯾﺘﯽ
ﺍﺫﯾﺖ ﺁﮒ ﮐﯽ ﺻﻮﺭﺕ ﺩﻟﻮﮞ ﻣﯿﮟ ﮨﯽ ﺳﻠﮕﺘﯽ ﮨﮯ
ﯾﮧ ﺷﺪﺕ ﺍﻭﺭ ﺑﮍﮬﺘﯽ ﮨﮯ ﯾﮧ ﺷﺪﺕ ﺍﻭﺭ ﺑﮍﮬﺘﯽ ﮨﮯ
ﺳﻨﻮ !
ﺟﻮ ﻣﺴﮑﺮﺍﺗﮯ ﮨﯿﮟ
ﺍﻧﮩﯿﮟ ﺑﮭﯽ ﺭﻭﮒ ﮨﻮﺗﮯ ﮨﯿﮟ......!!

[.]

Re: Mere pasindeeda poetry ka Collection



محبت تیرے جیسی ہے

محبت تیری پلکیں تیری آنکھیں
ھے تیری باتیں
محبت ہے تمارے ہجر کی اور وصل کی راتیں
محبت ہے تیری دھڑکن،محبت ہے تیری سانسیں
محبت تیری خاموشی،تماری بات جیسی ہے
محبت کو اگر سمجھو تو اپنی ذات جیسی ہے

محبت تیرے جیسی ہے،،!!!

[.]

Re: Mere pasindeeda poetry ka Collection



ہر درد پہن لینا ، ہر خواب میں کھو جانا
کیا اپنی طبیعت ہے ، ہر شخص کا ہو جانا

اک شہر بسا لینا بچھڑے ہوئے لوگوں کا
پھر شب کے جزیرے میں دل تھام کے سو جانا

موضوعِ سخن کچھ ہو ، تا دیر اسے تکنا
ہر لفظ پہ رک جانا ، ہر بات پہ کھو جانا

آنا تو بکھر جانا سانسوں میں مہک بن کر
جانا تو کلیجے میں کانٹے سے چبھو جانا

جاتے ہوئے چپ رہنا ان بولتی آنکھوں کا
خاموش تکلم سے پلکوں کو بھگو جانا

لفظوں میں اتر آنا ان پھول سے ہونٹوں کا
اک لمس کی خوشبو کا پوروں میں سمو جانا

ہر شام عزائم کے کچھ محل بنا لینا
ہر صبح ارادوں کی دہلیز پہ سو جانا،!!!

[.]

Re: Mere pasindeeda poetry ka Collection



گر یہی تلخی یہی تکرار بڑھتی جائے گی
تیرے میرے درمیان دیوار بڑھتی جائے گی

اس طرف رہ جائے گا تو اور ادھر میں بیچ میں
اک سڑک پر بھیڑ کی رفتار بڑھتی جائے گی

جیسے جیسے ترس آتا جائے گا خود پر ہمیں
ویسے ویسے لذت آزار بڑھتی جائے گی

میرے گونگے حرف کا پتھر ترے کام آئے گا
اور بھی تیغ زباں کی دھار بڑھتی جائے گی

جتنے اپنے زخم دنیا کو دکھاتے جاؤ گے
دل میں اتنی خواہش غمخوار بڑھتی جائے گی

مت محبت مانگ اس سے قرض خواہوں کی طرح
اور اس کی شدت انکار بڑھتی جائے گی،!!

[.]

Re: Mere pasindeeda poetry ka Collection





آنکھوں میں انتظار کے بادل ٹھہر گئے
ہم ضبط میں کمال کی حد سے گذر گئے

انجام اب کی بار بھی چوکھٹ پہ ثبت تھا
جانا نہیں تھا در پہ ترے، ہم مگر گئے

ہم کو خبر تھی ڈوب کے بچنا محال ہے
کس واسطے خوشی سے بھنور میں اتر گئے

پہلے بھی کرچیاں ہی لگی تھیں ہمارے ہاتھ
کیوں خواب سر زمین پہ بارِ دگر گئے

کچھ تتلیوں پہ رہ گئے لکھے ہوئے
کتنے ہی خواب پلکوں پہ آ کر بکھر گئے

[.]

Re: Mere pasindeeda poetry ka Collection





دھوپ میں چھاوٴں کا سفر

محبت پوری کرنا چاہتے ہو
اِس تعلق پہ یقیں رکھو
یە ریل گاڑی کا ٹکٹ تو نہیں
جو یکبارگی سفر کے بعد
کوئی پرانا کاغذ بن جائے
محبت خوشبو ہے اُس پھول کی
جو اِک بار کِھل جائے
تو سارے موسموں کو زیر کرتا ہے
محبت موت سے مرتی نہیں
زندگی ہے زندە رکھتی ہے
یە تو اِک عہد ہے
مسافت عمر بھر کی ہے
ہمسفر نە بھی رہے
تو تنہائی کی دھوپ کا
یادوں کی چھاوٴں میں سفر
جاری ربتا ہے

شامِ فراق

[.]

Re: Mere pasindeeda poetry ka Collection





ھم نے سوچ رکھا ہے
چاہے دل کی ھر خواھش
زندگی کی آنکھوں سے اشک بن کے بہہ جائے
گھر کی ساری دیواریں چھت سمیت گر جائیں
اوربے مقدر ہم
اس بدن کے ملبے میں خود ہی کیوں نہ دب جائیں

تم سے کچھ نہیں کہنا

کیسی نیند تھی اپنی کیسے خواب تھے اپنے
اور اب گلابوں پر
نیند والی آنکھوں پر
نرم خو سے خوابوں پر
کیوں عذاب ٹوٹے ہیں

تم سے کچھ نہیں کہنا

گِھر گئے ہیں راتوں میں
بے لباس باتوں میں
اس طرح کی راتوں میں
کب چراغ جلتے ہیں کب عذاب ٹلتے ہیں
اب تو ان عذابوں سےبچ کے بھی نکلنے کا راستہ نہیں جاناں
جس طرح تمہیں سچ کے لازوال لمحوں سے واسطہ نہیں جاناں
ہم نے سوچ رکھا ہے

تم سے کچھ نہیں کہنا

[.]

Re: Mere pasindeeda poetry ka Collection




عزمِ انسان ہے کہ بن جائے فرشتہ لیکن
ہر فرشتے کو حسرت ہے کہ انسان ہوتا

[.]

Re: Mere pasindeeda poetry ka Collection





دہکتے دن میں عجب لطف اٹھایا کرتا تھا
میں اپنے ہاتھ کا تتلی پہ سایہ کرتا تھا

اگر میں پوچھتا بادل کدھر کو جاتے ہیں
جواب میں کوئی آنسو بہایا کرتا تھا

یہ چاند ضعف ہے جس کی زباں نہیں کھلتی
کبھی یہ چاند کہانی سنایا کرتا تھا

میں اپنی ٹوٹتی آواز گانٹھنے کے لئے
کہیں سے لفظ کا پیوند لایا کرتا تھا

عجیب حسرتِ پرواز مجھ میں ہوتی تھی
میں کاپیوں میں پرندے بنایا کرتا تھا

تلاشِ رزق میں بھٹکے ہوئے پرندوں کو
میں جیب خرچ سے دانہ کھلایا کرتا تھا

ہمارے گھر کے قریب ایک جھیل ہوتی تھی
اور اس میں شام کو سورج نہایا کرتا تھا

یہ زندگی تو مجھے تیرے پاس لے آئی
یہ راستہ تو کہیں اور جایا کرتا تھا

[.]

Re: Mere pasindeeda poetry ka Collection





مجھے خبر تھی مرے بعد وہ بکھر جاتا
سو اسکو کس کے بھروسے پہ چھوڑ کر جاتا

وہ خوشبوؤں میں گھرا تھا کہ مثل سایۂ ابر
میان صحن چمن میں ادھر اّدھر جاتا

وہ کوئی نشہ نہیں تھا کہ ٹوٹتا مجھ میں
وہ سانحہ بھی نہیں تھا کہ جو گزر جاتا

وہ خواب جیسا کوئی تھا نگار خانۂ حسن
میں جتنا دیکھتا وہ اتناہی سنور جاتا

بس ایک خیال کی لو میں دھلا ہوا وہ بدن
میں جتنا سوچتا وہ اتنا ہی نکھر جاتا

رکا ہوا تھا میرا سانس میرے سینے میں
اسے گلے نہ لگاتا تو گھٹ کے مر جاتا

اک ایسے عالمِ وارفتگی سے گزرا ہوں
جہاں سمیٹتا خود کو تو میں بکھر جاتا

شکستہ ہو گيا پندار آئینہ ورنہ
یقین کر میں تیرے عشق سے مکر جاتا

نہ جانے کتنے محاذوں پہ جنگ تھی میری
بس ایک وعدہ نبھانے میں میں اپنے گھر جاتا

[.]

Re: Mere pasindeeda poetry ka Collection



زﻟﺰﻟﮯ ﯾﻮﻧﮩﯽ ﺑﮯ ﺳﺒﺐ ﻧﮩﯿﮟ ﺁﺗﮯ ﻓﺮﺍز
ﮐـﻮﺋﯽ ﺩﯾــﻮﺍﻧﮧ ﺗہہِ ﺧﺎﮎ ﺗﮍ ﭘﺘــﺎ ﮨﻮ ﮔﺎ

[.]

Re: Mere pasindeeda poetry ka Collection




خبرِ تحیرِ عشق سن، نہ جنوں رہا، نہ پری رہی
نہ تو تُو رہا، نہ تو میں رہا، جو رہی سو بے خبری رہی

[.]

Re: Mere pasindeeda poetry ka Collection



میری آنکھوں میں دیکھ آ کے حسرتوں کے نقوش
خوابوں میں بھی تیرے ملنے کی فریاد کرتے ہیں