Tweet
دھرتی کا اندر
اک بچہ
مرے دل دریچوں میں
چپ سادھے بیٹھا ہے
شبنم کی بوندیں
جو اس کے رخساروں پر
میں نے دیکھی ہیں
بھوک دیس کا نوحہ ہیں
بھیک کو پھیلے
اس کے ننھے ہاتھوں کی
الجھی لکیریں
میری آنکھوں میں
سوال بنتی رہتی ہیں
ان الجھی ریکھاؤں کو
برہما لوک سے
کب کوئ سلجھانے اترے گا
سکھ کا سارا ناواں
دھرتی کا اندر
اپنی مٹھی میں رکھ کر
سیتا کا بلی دان
راون تپسیا کا بردان سمجھے
سیاست کی دوکان چمکاءے بیٹھا ہے
Comment