کما لے

[Dr Maqsood Hasni]

کما لے
از: صوفی شاعر حضرت غلام حضور شاہ
(1988 تا 1907)
امیر غریب نیں بنے بھرا دونویں کوئ بادشاہ تے کوئ ہالڑی جے
کرماں والیاں نوں لبھن لال ہیرے ساڈے جیاں نوں لبھے نہ لالڑی جے
علم عقل نہ کتوں وی لبھا مینوں گلی گلی قصور دی بھالڑی جے
دکھ سکھ انسان دے نال ہندے عمر صبر دے نال لنگالڑی جے
غوث قطب وی سارے ٹر گءے نیں واری نزع دی کسے ناں ٹالڑی جے
فرشتہ کڈ لے جاوے گا جان تیری بت رہوے گا پیا فیر کھالڑی جے
رہنا ہوش و حواس نءیں قاءم تیرا جدوں ٹر جاوے گا دلاں دا والڑی جے
گھر بار نءیں جانا ساتھ تیرے ہتھوں جاویں گا سجناں کھالڑی جے
وچ قبر دے دین گے پا تینوں کیتھوں لبھیں گا پلنگ نہالڑی جے
میرے بخش دے گناہ سارے تیرے در دے اسیں اج سوالڑی جے
دن رات کما لے عمل چنگے جنت لبھدی نءیں سوکھالڑی جے
پڑھیو ما الصابرین دی آیت بھائ کل مرضاں دی ایہہ رکھوالڑی جے
آخر وقت پڑھیو سورت یسین جان نکلے گی بڑی سوکھالڑی جے
غلام حضور شاہ مکا کے سب قصے ہتھوں جاویں گا سجنا کھالڑی جے