Tweet
دل میں اور دنیا میں اب نہیں ملیں گے ہم
وقت کے ہمیشہ میں اب نہں ملیں گے ہم
اپنی بے تقاضائی اپنی وضع ٹھہری ہے
حال پر تقاضا میں اب نہیں ملیں گے ہم
بود یا نبود اپنی ایک گماں تھی اپنا
یعنی ‘‘ یا’’ میں اور ‘‘یا ‘‘ میں اب نہیں ملیں گے ہم
ایک خواب تھا دیروز ایک فسون تھا امروز
اور کسی بھی فردا میں اب نہیں ملیں گے ہم
اب جنون ہے اپنا گوشہ گیر تنہائی
سو دیار و صحرا میں اب نہیں ملیں گے ہم
حرف زن نہ ہونگے لب جاوداں خموشی میں
ہاں کسی بھی معنی میں اب نہیں ملیں گے ہم
زندگی شتاباں ہے شہر خفتہ کی جانب
شہر شور وغوغا میں اب نہیں ملیں گے ہم
اک حال ِ بے حالی دل کو طور ٹھہرا ہے
حال ِ حالت افزا میں اب نہیں ملیں گے ہم
Comment