Tweet
یہ کیسی ریت ہے راہی
کہ جس میں درد ایسا ہے
کہ جب محسوس ہوتا ہے
کوئی ہمدرد نہیں ہوتا
یہ کیسا کھیل دنیا کا
کہ جس میں جیت بھی جاؤ
سفر آخر نہیں ہوتا
سمہ چاہے بدل جائے
فضا ذروں میں ڈھل جائے
نشان کی موت ہے نہ پید
فضا سوگ ہے برپا
خوشی زندان میں ہے قید
ہوائیں ساتھ میں اپنے ہزاروں تیر لیتی ہیں
تبسم نوچ لیتی ہے
خوشی کی چھوٹی چھوٹی موتیوں کو
جانے کیسے کھوج لیتی ہیں
حسین و دلنشین پودے
خزاں کے وار سہتے ہیں
سسکتے ہیں، بلکتے ہیں
مگر چپ چاپ رہتے ہیں
درختوں پر اداسیوں کی
جیسے بیل ہے چھائی
یہ کیسا کھیل ہے راہی
ہر اک چہرے پہ
تہہ در تہہ کئی پردے
زباں خاموش ہے سب کی
کوئی آکر دعا کردے
کوئی تو سکوت رفتگاں کو
توڑ کے جائے
کوئی تو آئے
جو ٹوٹا ہوا پل جوڑ کے جائے
جدھر دیکھو ہے مایوسی
جدھر جاؤ ہے تنہائی
نہ ہی موسم سہانا ہے
نہ کلیوں میں بڑنائی
نہ ہی افکار میں تابندہ
نہ ہی سوچوں میں رعنائی
مزار دل ہوا خستہ
ہے ہر اک نفس لب بستہ
بڑی مشکل میں ہیں مولا
تیرا ہی آسرا ہے اب
تجھی سے مانگتے ہیں رب
جہاں دیکھیں وہ دلدل ہے
جہاں جائیں وہیں کھائی
یہ کیسی ریت ہی راہی
Comment