Tweet
غزل
آج کی صبح میں آثار قیامت کے بھی ہیں
رنگ آنکھوں میں نہ دیکھی ہوئی ساعت کے بھی ہیں
لوگ چلتے ہوئے ٹکراتے ہیں دیواروں سے
کچھ اندھیرا بھ ہے کچھ عیب بصارت کے بھی ہیں
یہ الگ بات کہ انصاف طلب کوئی نہیں
وا بڑی دیر سے دروازے عدالت کے بھی ہیں
چاہتے بھی ہوں تو کس منہ سے دعائیں مانگیں
ہم گنہ گار گلہ مند مشیت کے بھی ہیں
نہ رہی تاب و تواں جب کھلا مجھ پر
چند لمحے مری تقدیر میں فرصت کے بھی ہیں
عین ممکن ہے کہ ہر عشق ہوس میں بدلے
کیا کِیا جائے، تقاضے بشریت کے بھی ہیں
دوستوں نے مرے بارے میں بہت باتیں کیں
انہی پھولوں میں کئی سنگ، ملامت کے بھی ہیں
وہ کوئی اور ہے جس نے تجھے چاہا ہوگا
شہر میں لوگ بہت مری صورت کے بھی ہیں
:rose
Comment