دل میں وہ آباد ہے جس کو کبھی چاہا نہ تھا

[Dr Fausts]

:rose
دل میں وہ آباد ہے جس کو کبھی چاہا نہ تھا
چور سے ڈرتے تھے لیکن گھر کا دروازہ نہ تھا


گرچہ وہ اباد ہے تار ِ رگ جاں کے قریب
ڈھونڈتے اس کو کہاں جس کو کہیں دیکھا نہ تھا


حسن کی رعنائیاں تھی چلمنوں کی اوٹ تک
جب اٹھا پردہ تو کوئی دیکھنے والا نہ تھا


چاندنی کے شہر میں پہنچے تھے ہم اڑتے ہوئے
پاوں میں چھالے نہ تھے اور راہ میں صحرا نہ تھا



حسرتیں رہنے لگیں غول بیاباں کی طرح
آرزئوں کا نگر بسنے ابھی پایا نہ تھا


پیاسی آنکھوں میں کوئی انسو نہ آیا تھا ابھی
خشک تھی دل کی زمیں پانی ابھی برسا نہ تھا



اس میں کیا کیا لذتیں تھیں کیسے کیسے رنگ تھے
وہ تو اک دنیا تھی یارو ہجر کا لمحہ نہ تھا


آہ وہ پیکر جسے دیتا رہا میں تیرا نام
وہ تو میں خود تھا اگرچہ میں نے پہچانا نہ تھا



ہر طرف پھیلی ہوئی تھیں روشنی ہی روشنی
وہ بہاریں تھیں کہ اب کے باغ میں رستہ نہ تھا


بے خودی ایسی کہ بس تنہائی ہی تنہائی تھی
کیا خبر کل دل بھی میرے سینے میں تھا یا نہ تھا




اب تو ترس جاتا ہوں ایک ایک آنسو کے لیے
اس قدر سوکھا ہوا تو آنکھ کا دریا نہ تھا


اب جہاں میں ہوں وہاں میرے سوا کچھ بھی نہیں
میں اسی صحرا میں رہتا تھا مگت تنہا نہ تھا



شاخ کی آنکھیں خزاں کے رتجگے سے چور تھیں
برگ کے سینے میں دل تھا جو ابھی دھڑکا نہ تھا


وہ مری صبحوں کا تارا وہ مری راتوں کا چاند
مرے دل کی روشنی تو تھا مگر میرا نہ تھا


اب تو وہ جیسے رگ و پے میں سرائیت کر گیا
دل مرا بے تاب تھا لیکن کبھی ایسا نہ تھا



زندگی شہزاد دکھلانے لگی وہ روپ رنگ
اب تو یوں محسوس ہوتا ہے کہ میں جیتا نہ تھا







شہزاد احمد

[life.]

Re: دل میں وہ آباد ہے جس کو کبھی چاہا نہ تھا

very nice............