Tweet
شامل نقش کاروں ہیں ہم
اب فقط یاد رفتگاں ہیں ہم
ہم وہ آنسو ہیں کہ جو چھلک نہ سکے
یعنی اک سعی رائیگاں ہیں ہم
جس سے کل زندگی میں گرمی تھی
اب اسی آگ کا دھواں ہیں ہم
ڈس رہی ہے طویل تنہائی
جی رہے ہیں کہ سخت جاں ہیں ہم
گرچہ ایک تیرگی ہیں ہم لیکن
کچھ ستاروں کے درمیاں ہیں ہم
دیکھنے میں ہیں گرچہ شمع خموش
جگمگائیں تو کہکشاں ہیں ہم
سمٹ آئیں تو ایک قطرہ اشک
پھیل جائیں تو بیکراں ہیں ہم
ہم کے ارزاں ہوئے سر بازار
نہ ملیں تو بہت گراں ہیں ہم
غور سے سن رہے ہیں ہر اواز
غنچے غنچے کے ہم زباں ہیں ہم
کل جہاں تذکرے تمارے تھے
اب وہیں زیب داستاں ہیں ہم
لے اڑا ہے کوئی خیال ہمیں
ہم وہاں بھی نہیں جہاں ہیں ہم
اب ہمیں منزلوں کو ہوش کہاں
موج میں آئے ہیں رواں ہیں ہم
دل کی دھڑکن بھی سو چکی شہزاد
کوئی آواز دو کہاں ہیں ہم
:rose
Comment