D3cemb3r

[pinkrosejust4u]

Manoos Ajnabi
Ab k December may
Main nay bhi kuch khawab sjaye hain
apni sard aankho'n may
per darr lagta hai
kahi yeh meray khawab
pghel na jaye
Dhoop pernay per....!!

[pinkrosejust4u]

Re: D3cemb3r

her saal jaunary
humain kuch sapnay dikhati hai
jis ko poora kernay main
december aa pohanchta hai
zindagi ki january bi jo khwab dikhati hai
admi umer ber un ko poora kerta rehta hai
aur umer ka december aan pohanchta hai
aur saal ki terha
saans bi khutum ho jati hai

[pinkrosejust4u]

Re: D3cemb3r


December Jab bhi ata hai
wo pagli...
phir se beety mosumo'n ki
talkhion ko
yad karti ha
purana card perhti hai
k jis main os ne
likha tha
Main Lauton ga December main

Nai Kapry bnati hai
wo sara ghar sjati hai
December k her ik din ko
wo gin gin ker bit'tati hai
junhi 15 guzarti hai
wo kuch kuch toot jati hai
magar phir bi
purani albumo'n ko khol ker
mazi bulati hai !!!

nahi maloom ye osko
k beety waqt ki khushian
Bohat takleef deti hain
mehaz dil ko jalati hain...
yunhi din beet jaty hain
December laut jata hai
magar wo Khush feham larki...
dobara se calendar main
December k maheeny k safhy ko
mord ker, phir se
Phir se
December ke sahar main
Doob jati hai
k akhir os ne likha tha....
Main Lauton ga December main

[pinkrosejust4u]

Re: D3cemb3r

!!!SUNO DECEMBER!!!


Naee hikayat muhabbaton ki
Shikayatoon ki
Bhujhe bhuje se haroof le kar
Kohar mein doobi seyyahoon ki
Warq warq per utaarna hai
Udaas shamoo ke phool chun kar

Suno December
Ussay pukaaro
Ussay bulaaoo
Suno December ... Ussay mila do
Ab is se pehlay ke saans niklay
Ab is se pehlay ke saal guzray
Wohi lakeerain wohi sitaara
Meri lakeeroon mein qaid kar do
Ya aakhri shab ke aakhri pal
Koi bara ikhtitaam kar do
Yeh zindagi bhi tamaam kar do
Suno December ... Ussay mila do..

[pinkrosejust4u]

Re: D3cemb3r

Dekh December !
Ab mat ana
Dekh December !
Mere andar kitnay sehra phail chukay hain
Tanhai ki rait ne mere
Saaray dariya paat diye hain
Ab main hoon
Aur mere banjhar pan ki bojhal ta hai
Dekh December !
Teri baraf shabo'n main
Teri bekhuwab shabo'n main
Khuwab sweater kon bunay ga
Rooh k andar girti barfain kon chunay ga
Dekh december !
Apnay dukh ki baraf pehen kar
Dhoop Diyaro'n tak mat jana
Mere piyaro'n tak mat jana
Dekh december
Ab mat ana
Ab mat ana ...!

[pinkrosejust4u]

Re: D3cemb3r

December Ki Baarish May
Bheegtay Pairoo'n Say Pocho
AkelaPan Kya Hai...????
Tanhai Kisey Kehtay Hain?
Seh-Peher Ki Dhoop Ko Tarashna
Aur Barish May Bheegtay Rehna
Jangal Ki Raaho'n May Akelay Chalna
Aur Barish May Bheegtay Rehna..
December Ki Barish May
Leher-dar-Leher Mehekti Hawa Say Pochoo
Khushbo Sa Khayal Rakhne Wale
Tanha Kaise Rehte Hain??
Bheegti hain sard Raatein
December Ki Barish Say Kaho !
Kabhi Jungle K Us Paar Miley
Dhaltay Hui Sham K Saaye main
To Unn Aankhon Say Milay..!!
December Ki Barish Say Kahoo........ !!

[pinkrosejust4u]

Re: D3cemb3r

December Tum Na Jao Na..

Abhi Lamhe Nahi Bikhrey,
Abhi Mosam Nahi Bichrey,
Mere Kamrey Ki Thandak Me,
Abhi Kuch Dhoop Baqi Hai,
Meri Dairy K Kuch Safhe,
Abhi Kuch Keh Nahi Paye,

Mere Angan K Sab Podey,
Abhi B Gungunatey Hein

Mere Bejaan Hontoon Pr,
Abhi Muskaan Baqi Hai,
Kisi K Lot Any Ka Abhi
Imkaan Baqi Hai,


December..!!
Baat Ik Sun Lo!

Sonu!
Tum Maan Jao Na!

K Jab Tak Wo Nahi Aata,
December Tum Na Jao Na..

[Sparkling Eyex]

Re: D3cemb3r

Nice collectin

[Mr.Khan]

Re: D3cemb3r

Beautiful collection..................

[life.]

Re: D3cemb3r

buhat khoob