Muhabbat jin se hoti

[T@nHA.D!L]

Muhabbat jin se hoti

Unhain khone ka dar har waqt DAMAN GEER rahta hai

Yaqeen ki akhri manzil pe akar bhi
...
Koi khadsha, koi shak, koi andesha

Buhat bechain rakhta hai

Muhabbat jin se hoti hai

Unhain khone ka dar har waqt DAMAN GEER rahta hai

Kahin ye visal ke lamhe

Badal jayain na furqat mai

Kahin ye qurb ki ghairiyan

Judai main na dhal jayain

Kahin aisa na ho k koi usko badgumaa kar de

Kahin aisa na ho k

Jis ko hum ne hasil-e-umr-e-rawa samjha

Jhatak kar hath wo bedard sab kuch raiga kar de

Kahin aisa na ho k

Wo meharbaan ankhain badal jayain

Kahin aisa na ho k

Ye garamjoshi sard par jaye



Yakh basta ho jaye



Aur dil ka dard ban jaye

Muhabbat jin se hoti hai

Unhain khone ka dar har waqt DAMAN GEER rahta hai

Kabhi mahfil mai sab ke samne wo ahtiyatan bhi

Agar nazrain churaye tou dil pe *** lagti hai



Kabhi masrofiat mai, mahwiyat mai

Phone ki ghanti ka wo notice na le

Aur rabte ka silsila moqoof ho jaye

Dharak uthta hai dil

Kya janea kya ho gaya us ko





Jo apna is qadar apna tha

Akhir kyun paraya hai..?

Muhabbat jin se hoti hai

Unhain khone ka dar har waqt DAMAN GEER rahta hai

[Jamil Akhter]

Re: Muhabbat jin se hoti

very beautiful...kitni nazuk baat achay si poetry may btyii dar tu khonay ka sach may hota a....thanks:rose