Tweet
کون گھونگٹ کو اٹھائے گا
زندگی کو نہ بنا لیں وہ سزا میرے بعد
حوصلہ دینا انہیں میرے خدا میرے بعد
ہاتھ اٹھاتے ہوئے ان کو نہ کوئی دیکھے گا
کس کے آنے کی کریں گے وہ دعا میرے بعد
کون گھونگٹ کو اٹھائے گا ستمگر کہہ کر
اور پھر کس سے کریں گے وہ حیا میرے بعد
پھر زمانے میں محبت کی نہ پرسش ہو گی
روئے گی سسکیاں لے لے کے وفا میرے بعد
وہ جو کہتا تھا کہ ناصر کے لئے جیتا ہوں
اس کا کیا جانیئے کیا حال ہوا میرے بعد
__________________
Comment