Kamaal-e-zabt ko khud bhi

[asiffame]

Kamaal-e-zabt ko Khud bhi to aazamaungi
main apne haath se us kii dulhan sajaungi
...supurd kar ke use chandni ke haathon
main apane ghar ke andheron ko lauTaaungi
Badan ke karb ko wo bhii samajh na paayegaa
main dil mein rouun gi aankhon mein muskuraungi
wo kyaa gaya k rafaaqat k saare lutf gaye
main kis se ruuth sakuun gi kise manaungi
wo ik rishtaa-e-benaam bhii nahin lekin
main ab bhii us ke ishaaron pe sar jhukaungi
bichhaa diya tha gulaabon ke saath apanaa wajuud
wo so ke uhe to Khvaabon ki raakh uthaungi
ab us kaa Fan to kisii aur se manasuub huaa
main kis kii nazm akele men gun_gunaungi
javaz doondh rahaa tha naii muhabbat ka
wo keh raha tha ke MAIN us ko bhuul jaaungi
sama'aton mein ghane jangalon ki saansein hain
main ab kabhii terii aavaaz sun na paaungi

[henakhan]

Re: Kamaal-e-zabt ko khud bhi

bahot khoob,,,

[Mr.Khan]

Re: Kamaal-e-zabt ko khud bhi

nice sharing

[life.]

Re: Kamaal-e-zabt ko khud bhi

Buhat khubsorat