Woh kisi Aur k Aangan me Hai

[WASI ANJUM]

Is karri dhoop Me jalty huay Paon ki tarah
Woh kisi Aur k Aangan me hai me chhaon ki tarah

Who jo waqif hay mere jazbon ki sachai se
Phir kiyon khamosh hai pathar k khudaon ki tarah

Mein to khushboo ki tarah sath raha hun us k
Who bhatakti rahi bechain hawaon ki tarah

Who jo berbad huay thay wahi badnaam huay hen
Who to Masoom rahe apni Adaon ki tarah

Gham to ye hai k Hamein koi khushi Raas na Aai
Zindagi kaat rahe hen Hum sazaon ki tarah

[thefire1]

Re: Woh kisi Aur k Aangan me Hai

Bohat khoob, aik aur bohat hi khoobsurat ghazal aap kay dast-e-qalm say....

itni mohabbat hay inn lafzoon main utna hi karb hay inn jazboon main!! kia kehnay aap jab bhi likhtay hain khoon-e-dil nichooR kar ussay apnay qalam ki siyaahi bana daitay hain... bohat khoob janab...

humesha ki tarah "mehfil loot lee aap nay"... aur humehsa ki tarah main bhi yehi kahoon ga "Khush raha karain" zindagi kisi aik kay naam mansoob karnay ka naam nahin balkay apnay yadoon ko apnay jeenay ki meeraas bana lain!:)

[ahsaas]

Re: Woh kisi Aur k Aangan me Hai

Who jo waqif hay mere jazbon ki sachai se
Phir kiyon khamosh hai pathar k khudaon ki tarah


buhat umdah...keep it up

[life.]

Re: Woh kisi Aur k Aangan me Hai

so nice.............