Akhtarul eeman ki ek nazm

[Nazia Afroz]

Ajam ke shahroN meN ek shahar ka hai ye qissa
Yeh raft O bood ka ek silsilaa jo qaayam hai
BhaNvar meN jis ke har ek cheez doob jaati hai
Suna hai us meN kisi qasbe ka rayees baRa
PhaNsa kuchh aisa, koi chaal kaargar na hui
Har ek tibbee madad, har dawa, ilaaj, gharaz
Woh sab jo qabza E insaan O mumkinat meN tha
Kiya, tamam maseeha qareeb O door jo the
Talab kiye gaye, sab ko zar E kaseer diya
Magar khuda ko jo manzoor tha woh ho ke raha
Ajal ne beTe se mahboob baap chheen liya
Khabar yeh phail gayi door paas pal bhar meN
Har ek rota tha zaar O qataar sun sun kar
Pisar ke bain ka dil par asar shadeed hua

Chale ho aisi jagah chhoR kar hameN sab ko
JahaaN na dost na hamdam na koi hai munis
Andheri kothri hogi, akele rahna hai
Na khana paani jahaaN hai na roushni ka guzar
WahaaN pe jaisi bhi guzregi khud hi sahna hai
Har ek chez ko tarsoge haaye haaye wahaaN

Ghareeb bhi koi shamil tha us janaaze meN
Aur apne noor E nazar ko bhi saath laaya tha
Suni jo aah O buka us ne kuchh nahi samjha
Palat ke baap se poochha bahut hi saadgi se

[Nazia Afroz]

Re: Akhtarul eeman ki ek nazm

Can anyone write this in URDU? plz