Muhabbaton Kay Diay Rooh Main Jalata hai

[Aania]

Muhabbaton Kay Diay Rooh Main Jalata hai
Tumhara Qarb Meray Saray Ghum Mitata Hai
Yeh Aik Hum Hain Jo Teray Liay Taraptay Hain
Yahan Kisi Kay Liay Kon Ghum Uthata Hai ?
Meray Dukhoon KAy Samandar Say Us Ka Kia Rishta ?
Woh Sirf Apni Hi Rodawad-e-Ghum Sunata Hai
Wagarna Shiar-e-Sukhan Say Hamara Kia Nata !
Hamaray Zehan Main Aik Naam Jagmagata Hai
Agar Woh Roothay Tu Karta Hon Minatin Uss Ki
Agar Main Rooth Jaon Tu Woh Kab Mujhe Manata Hai !
Meri Wafa Pay Abhi Tak Yaqeen Nahi Hai Us Ko
Mera Rafeeq Mujhe Ab Bhi Azmata Hai
Yeh Kis Ka Naam Dharakta Hai Meri Sansoon Main
Yeh Kon Hai Jo nay RastaY Dekhata Hai ?
Ussi Ki Rahatin Mujh Ko Aziz Hain
Woh Aik Shaks Jo Har Pal Mujhe Rulata Hai

[Aania]

Re: Muhabbaton Kay Diay Rooh Main Jalata hai

zandagii ek phool hai aur mohabbat us ka shehed
pyaar ek dariya hai,aur mehboob uski sarhad



Raste main gire hain phool,uthata hai koi koi
Muhabbat karte hain sabhi, nibhata hai koi koi



Dhoondhta phirta hoon main logon main shabahat uski
Ke woh khwabon main bhi lagti hai khyalon jaisi



Ek naam kya likha tera saahil ki rait par
Phir umar bhar hawa se meri dushmani rahi



Pyaar main jadoo bhi kya maza hai
Lagta hai ke ek khubsurat saza hai



Tapish suraj ki hoti hai,jalna zameen ko parta hai
Qusur aankhon ka hota hai,tarapna dil ko parta hai

[Aania]

Re: Muhabbaton Kay Diay Rooh Main Jalata hai

pyaare lamhe aaye.Nge aur majabuurii miT jaayegii
ham dono.n mil jaaye.nge aur sab duurii miT jaayegii
har dam bahane vaalii aa.Nkho.n kii maalaa bhii TuuTegii
teri merii hastii is bairii ba.ndhan se chhuTegii

lekin ye sab baate.n hai.n apane jii ke bahalaane kii
dukh kii raat me.n dhiire dhiire dil kaa dard miTaane kii
rote rote ha.Nsate ha.Nsate rukate rukate gaane kii

sukh kaa sapanaa suukhaa hai aur suukhaa hii rah jaayegaa
suunii sej pe prem kahaanii premii yuu.N kah jaayegaa
hote hote saaraa jiivan aa.Nkho.n se bah jaayegaa

[Yaaram]

Re: Muhabbaton Kay Diay Rooh Main Jalata hai

Yeh Aik Hum Hain Jo Teray Liay Taraptay Hain
Yahan Kisi Kay Liay Kon Ghum Uthata Hai ?

Well Said :)

[Aania]

Re: Muhabbaton Kay Diay Rooh Main Jalata hai

Mujhse mou pheer k jab rah badalte ho tum
Is se barh kar bhi bhala aur qayamat kya hai?
Hum tumhe kho k bhi zinda hain,yahi kam to nahi
Sirf aankhen hain agar nam to shikayat kya hai?
Aankh veeran,jigar chaak magar lab khamosh
Kaho be-dard bhala aur ata-at kya hai?
Hai gumaan mera k tum ho ya tumhari koi yaad
Har taraf jalwa numa,jalwa-e-jannat kya hai?
Hijr ki aag bhi aur sooz-e-tapish bhi jana
Zeest ko roshni tumse ye adawat kya hai?

[baykamal]

Re: Muhabbaton Kay Diay Rooh Main Jalata hai

Assalaam o alaikum
kya baat hay. a three in one post hahaha good g.
shukria hamm say baaNTnay ka.
wassalaam
Raza Baykamal

[Withoutsoul]

Re: Muhabbaton Kay Diay Rooh Main Jalata hai


SO BEAUTIFUL POEMS


NICE SHARING....

MAY U EVER BE BLESSED