Mere Diary se Intikhaab

[Soulmate]

Asslam-o-Alycum Friends !

I will share my favorit poetry here in this thread

[Soulmate]

Re: Mere Diary se Intikhaab

جو اپنی عمر سے آگے نکل رہی ہو تم
تمہیں خبر ہے جوانی میں ڈھل رہی ہو تم
کبھی تمہیں بھی دعویٰ تھا سرد مہری کا
کسی کے لمس کو پا کر پگھل رہی ہو تم
بتاﺅ کیوں نہیں روکا تھا جانے والے کو
اب ایک عمر سے کیوں ہاتھ مل رہی ہو تم
جو والدین نے تم سے کہا وہ مان لیا
اب اپنی آگ سے چُپ چاپ جل رہی ہو تم
ہمارے دل کا کھلونا تمہی نے توڑا تھا
اب اِ س کھلونے کی خاطر مچل رہی ہو تم
تمہیں گماں ہے کہ میں جانتا نہیں کچھ بھی
مجھے خبر ہے کہ رستہ بدل رہی ہو تم

وصی شاہ

[Soulmate]

Re: Mere Diary se Intikhaab

کون کہتا ہے، شرارت سے تمہیں دیکھتے ہیں
جانِ من ہم تو محبت سے تمہیں دیکھتے ہیں
تم کو معلوم نہیں تم ہو مقدس کتنے
دیکھتے ہیں تو عقیدت سے تمہیں دیکھتے ہیں
دیکھ کے تم کو کسی اور کی یاد آتی ہے
ہم کسی اور ہی نسبت سے تمہیں دیکھتے ہیں
ساتھ غیروں کے نظر آﺅ تو جی کُڑھتا ہے
کیا کہیں کیسی اذیت سے تمہیں دیکھتے ہیں
جھونکنی پڑتی ہے، یہ جان عذابوں میں ہمیں
کون کہتا ہے کہ سہولت سے تمہیں دیکھتے ہیں
جانے کیا لکھتے ہو کیا سوچتے رہتے ہو وصی
رات کو جب بھی کبھی چھت سے تمہیں دیکھتے ہیں

وصی شاہ

[Soulmate]

Re: Mere Diary se Intikhaab

میرے سورج
تری زمیں ہوں میں
کوئی موسم ہو تیرے گرد مجھے
گھومنا ہے
مرا تو کام ہی تیرا طواف کرنا ہے

وصی شاہ

[Soulmate]

Re: Mere Diary se Intikhaab

خواب کی مسافت سے
وصل کی تمازت سے
روز و شب ریاضت سے
کیا ملا محبت سے
ایک ہجر کا صحرا
ایک شام یادوں کی
اِک تھکا ہوا آنسو

نوشی گیلانی

[Soulmate]

Re: Mere Diary se Intikhaab

کبھی ہم بھیگتے ہیں چاہتوں کی تیز بارش میں

کبھی ہم بھیگتے ہیں چاہتوں کی تیز بارش میں
کبھی برسوں نہیں ملتے کسی ہلکی سی رنجش میں

تمہی میں دیوتاؤں کی کوئی خُو بُو نہ تھی ورنہ
کمی کوئی نہیں تھی میرے اندازِ پرستش میں

یہ سوچ لو پھر اور بھی تنہا نہ ہو جانا
اُسے چھونے کی خواہش میں اُسے پانے کی خواہش میں

بہت سے زخم ہیں دل میں مگر اِک زخم ایسا ہے
جو جل اُٹھتا ہے راتوں میں جو لَو دیتا ہے بارش میں

نوشی گیلانی

[Soulmate]

Re: Mere Diary se Intikhaab

ہوا کو آوارہ کہنے والو
کبھی تو سوچو،کبھی تو لکھو
ہوائیں کیوں اپنی منزلوں سے بھٹک گئی ہیں
نہ ان کی آنکھوں میں خواب کوئی
نہ خواب میں انتظار کوئی
اب ان کے سارے سفر میں صبح ِ یقین کوئی،
نہ شام ِ صد اعتبار کوئی،
نہ انکی اپنی زمین کوئی،نہ آسماں پر کوئی ستارہ
نہ کوئی موسم ،نہ کوئی خوشبو کا استعارہ
نہ روشنی کی لکیر کوئی،نہ ان کا اپنا سفیر کوئی
جو انکے دکھ پر کتاب لکھے
مُسافرت کا عذاب لکھے
ہوا کو آوارہ کہنے والو
کبھی تو سوچو


نوشی گیلانی

[Soulmate]

Re: Mere Diary se Intikhaab

ہم نے سوچ رکھا ہے
چاہے دل کی ہر خواہش
زندگی کی آنکھوں سے اشک بن کے
بہہ جائے
چاہے اب مکینوں پر
گھر کی ساری دیواریں چھت سمیت گر جائیں
اور بے مقدر ہم
اس بدن کے ملبے میں خود ہی کیوں نہ دب جائیں
تم سے کچھ نہیں کہنا
کیسی نیند تھی اپنی،کیسے خواب تھے اپنے
اور اب گلابوں پر
نیند والی آنکھوں پر
نرم خو سے خوابوں پر
کیوں عذاب ٹوٹے ہیں
تم سے کچھ نہیں کہنا
گھر گئے ہیں راتوں میں
بے لباس باتوں میں
اس طرح کی راتوں میں
کب چراغ جلتے ہیں،کب عذاب ٹلتے ہیں
اب تو ان عذابوں سے بچ کے بھی نکلنے کا راستہ نہیں جاناں!
جس طرح تمہیں سچ کے لازوال لمحوں سے واسطہ نہیں جاناں!
ہم نے سوچ رکھا ہے
تم سے کچھ نہیں کہنا

نوشی گیلانی

[Soulmate]

Re: Mere Diary se Intikhaab

اب کس کا جشن مناتے ہو
اس دیس کا جو تقسیم ہوا
اب کس کا گیت سناتے ہو
اس تن من کا جو دونیم ہوا

اس خواب کا جو ریزہ ریزہ
ان آنکھوں کی تقدیر ہوا
اس نام کا جو ٹکرے ٹکرے
گلیوں میں بے توقیر ہوا

اس پرچم کا جس کی حرمت
بازاروں میں نیلام ہویی
اس مٹی کا جس کی حرمت
منسوب عدو کے نام ہویی

اس جنگ کا جو تم ہارچکے
اس رسم کا جو جاری بھی نہیں
اس زخم کا جو سینے پہ نہ تھا
اس جان کا جو واری بھی نہیں

اس خون کا جو بدقسمت تھا
راہوں میں بہایا تن میں رہا
اس پھول کا جو بے قیمت تھا
آنگھن میں کھلایا بن میں رہا

اس مشرق کا جس کا تم نے
نیزے کی انی مرہم سمجھا
اس مغرب کا جس کو تم نے
جتنا بھی لوٹا کم سمجھا

ان معصوموں کا جس کی لہو
سے تم نے فروزاں راتیں کی
یا ان مظلوموں کا جن سے
خنجر کی زباں میں باتیں کی

اس مریم کا جس کی عفت
لٹتی ہے بھرے بازاروں میں
اس عیسا کا جو قاتل ہے
اور شامل ہے غم خواروں میں

ان نوخہ گروں کا جن نے ہمیں
خود قتل کیا خود روتے ہیں
ایسے بھی کہی دم ساز ہویے
ایسے جلاد بھی ہوتے ہیں

ان بھوکے ننگھے ڈانچوں کا
جو رقص سر بازار کریں
یا ان ظالم قزاقوں کا
جو بھیس بدل کر وار کرے

یا ان جھوٹے اقراروں کا
جو آج تلک ایفا نہ ہویے
یا ان بے بس لاچاورں کا
جو اور بھی دکھھ کو نشانہ ہویے

اس شاہی کا جو دست بدست
آیی ہے تمھارے حصے میں
کیوں ننگ وطن کی بات کرو
کیا رکھا ہے اس قصے میں

آنکھوں میں چپھایے اشکوں کو
ہونٹوں پہ وفا کے بول لیے
اس جشن میں شامل ہوں میں بھی
نوخوں سے بھرا کشکول لیے۔

[Soulmate]

Re: Mere Diary se Intikhaab

شاید مجھے کسی سے محبت نہیں ھوئی
لیکن یقین سب کو دلاتا رہا ھوں میں

اک حسن بے مثال کی تمثیل کے لیے
پرچھائیوں پہ رنگ گراتا رھا ھوں میں

اپنا مثالیہ مجھے اب تک نہ مل سکا
ذروں کو آفتاب بناتا رھا ھوں میں

کیا مل گیا ضمیر ھنر بیچ کر مجھے
اتنا کہ صرف کام چلاتا رھا ھوں میں

کل دوپہر عجیب سی اک بےدلی رھی
بس تیلیاں جلا کے بجھاتا رھا ھوں میں

[Soulmate]

Re: Mere Diary se Intikhaab

میر ے ھمسفر،میر ے چارہ گر

یہ مسافتیں،یہ کٹھن سفر ۔ ۔

یہ ازل سے ھیں میری ھمسفر

میر ے ساتھ چلنے کے شوق میں،کھیں تھک نہ جائیں تیر ے قدم

میر ے ھمسفر،میر ے چارہ گر

کبھی منزلیں میرا خواب تھیں ۔ ۔

جو ملیں تو صرف سراب تھیں، رگ جان و دل کا عذاب تھیں

میر ے ھمسفر،میر ے چارہ گر

تیری سادگی،تیری چاھتیں ۔ ۔

میرا مان ھیں،میرا ناز ھیں،مجھے جاں سے بڑھ کے عزیزھیں

تیرا سنگ ھوتا جو بخت میں

تو یہ راہ باغ و بہار تھی ۔ ۔ ۔

مگر اس سفر کی تپشّ میں

کوئی سایہ دار شجر نھیں ۔ ۔

جہاں رک کے تھوڑی سی دیر ھم،یہ تھکن یہ گرد اتار لیں

میر ے ھمسفر،میر ے چارہ گر

میر ے اس سفر کی دھوپ میں

میرے ساتھ جھلسیں تیرے قدم،یہ کبھی گوارا نھیں مجھے

یہ ھجر ھی اپنا نصیب ھے ۔ ۔ ۔

مگرمیر ے ھمسفر،میر ے چارہ گر

تیری زندگی کی مجھے قسم

کہ یہ تشنگی کے سفر میں اب ، تیری یاد ھوگی قدم قدم

تیر ے لفظ ھیں میرا حو صلہ ، تیر ے شعر ھیں میر ے راہ بر

میر ے ھمسفر،میر ے چارہ گر

[Soulmate]

Re: Mere Diary se Intikhaab

[Soulmate]

Re: Mere Diary se Intikhaab

دل پہ اک طرفہ قیامت کرنا
مسکراتے ہوئے رخصت کرنا

اچھی آنکھیں جو ملی ہیں اسکو
کچھ تو لازم ہوا وحشت کرنا

جرم کس کا تھا،سزا کس کو ملی
کیا گئی بات پہ حجت کرنا

کون چاہے گا تمہیں میری طرح
اب کسی سے نہ محبت کرنا

گھر کا دروازہ کھلا رکھا ہے
وقت مل جائے تو زخمت کرنا
(پروین شاکر)

[Soulmate]

Re: Mere Diary se Intikhaab

ہتھیلیوں کی دعا پھول لے کے آئی ہو
کبھی تو رنگ مری ہاتھ کا حنائی ہو

کوئی تو ہو جو مرے تن کو روشنی بیھجے
کسی کا پیار ہوا میرے نام لائی ہو

گلابی پائوں مرے چمپئی بنانے کو
کسی نے صحن میں مہندی کا باڑھ اگائی ہیو

کبھی تو ہو مرے کمرے میں ایسا منظر
بہار دیکھ کے کھڑکی مسکرائی ہو

وہ سوتے جاگتے رہنے کا موسموں کا فسوں
یہ نیند میں ہوں مگر نیند بھی نہ آئی ہو

[Soulmate]

Re: Mere Diary se Intikhaab

ہجر کی شب کا کسی اسم سے کٹنا مشکل
چاند پورا ہے تو پھر درد کا گھٹنا مشکل

موجہ خواب ہے وہ ،اس کے ٹھکانے معلوم
اب گیا ہے تو یہ سمجھو کہ پلٹنا مشکل

جن درختوں کی جڑیں دل میں اتر جاتی ہیں
ان کا آندھی کی درانتی سے بھی کٹنا مشکل

قوت غم ہے جو اس طرح سنبھالے ہے مجھے
ورنہ بکھروں کسی لمحے تو سمٹنا مشکل

اس سے ملتے ہوئے چہرے بھی بہت ہونے لگے
شہر کے شہر سے اک ساتھ نمٹنا مشکل

اب کے بھی خوشوں پہ کچھ نام تھے پہلے سے لکھے
اب کے بھی فصل کا دہقانوں میں بٹنا مشکل
(پروین شاکر)