Tweet
یہ کیسی رات ہے آنکھوں میں آنسو آئے جاتے ہیں
فلک پہ جتنے تارے ہیں سبھی کجلائے جاتے ہیں
فلک پہ جتنے تارے ہیں سبھی کجلائے جاتے ہیں
ہمارے دل میں پہلے تشنگی بھڑکائی جاتی ہے
پھر اسکے بعد اک اک بوند کو ترسائے جاتے ہیں
بہت لوگوں کو شکوہ ہے کہ تنہائی نہیں ملتی
ہمیں دیکھو ہم اپنے آپ سے اکتائے جاتے ہیں
یہ بازار تمنا ہے انوکھی وضع ہے اس کی
یہاں چہرے نہیں بس آئینے چمکائے جاتے ہیں
تم اہل دل نہیں ہو زہر کی لذت کو کیا جانو
محبت سے گلے میں سانپ بھی لٹکائے جاتے ہیں
یہ تونے کیا کیا اے دل کہ چپ سادھ لی تونے
یہ عالم ہو تو دیواروں سے سر ٹکرائے جاتے ہیں
Comment