Tweet
Meri Zindagi To Firaaq Hai, Wo Azal Se Dil Main Makeen Sahi
Wo Nigaah-E-Shoq Se Door Hain, Rag-E-Jaan Se Laakh Qareen Sahi
Wo Nigaah-E-Shoq Se Door Hain, Rag-E-Jaan Se Laakh Qareen Sahi
Humein Jaan Deni Hai Aik Din, Wo Kisi Tarhan, Wo Kahein Sahi
Humein Aap Kheinchiye Daar Par, Jo Nahi Koi To Hum Hi Sahi
Humein Aap Kheinchiye Daar Par, Jo Nahi Koi To Hum Hi Sahi
Sar-E-Tor Ho, Sar-E-Hashr Ho, Humein Intezar Qubool Hai
Wo Kabhi Milein, Wo Kaheen Milein, Wo Kabhi Sahi, Wo Kaheen Sahi
Wo Kabhi Milein, Wo Kaheen Milein, Wo Kabhi Sahi, Wo Kaheen Sahi
Na Ho, Un Pe Jo Mera Bas Nahi K Ye Aashiqi Hai Hawas Nahi
Main Unhi Ka Tha, Main Unhi Ka Hoon, Wo Mere Nahi To Nahi Sahi
Main Unhi Ka Tha, Main Unhi Ka Hoon, Wo Mere Nahi To Nahi Sahi
Jo Ho Faisla Wo Sunaaiye, Issay Hashr Par Na Uthaaiye
Jo Karen Ge Aap Sitam Wahan, Wo Abhi Sahi, Wo Yahin Sahi
Jo Karen Ge Aap Sitam Wahan, Wo Abhi Sahi, Wo Yahin Sahi
Usey Dekhne Ki Jo Lau Lagi To Naseer Dekh Hi Len Ge Hum
Wo Hazaar Aankh Se Door ho, Wo Hazaar Parda-Nasheen Sahi
Wo Hazaar Aankh Se Door ho, Wo Hazaar Parda-Nasheen Sahi
Comment