Mein uski beemar rahi char din

[Aania]

Uski mujh par nigah rahi char din
Chahat ki chah rahi char din

Ayina dekh kar sharmati rahi
Mein bhi karti singhar rahi char din

Din gulabi aur chandni ratein rahien
Duniya hasin lagti rahi char din

Husn shamma ki manind pighalta raha
garmi-e-ishq be intha rahi char din

Dil mein dard ki tarah bas gaya woh
Mein uski beemar rahi char din


by zarqa mufti

[Aania]

Re: Mein uski beemar rahi char din

Mein tere saath chal nahin sakta
Raasta bhee badal nahin sakta

Girna padta hai apne qadmon main
Yun to kaanta nikal nahin sakta

Raat kitni bhee saazishen kar le
Chand din mein nikal nahin sakta

Jisko apne pe e'tamaad nahin
Vo kabhee bhee sambhal nahin sakta

ChoRna padti hai Zameen apni
Varna ooncha uchal nahin sakta

[Aania]

Re: Mein uski beemar rahi char din

yeh kayaa qehri tajalli thi khudaaya
keh qomeiN hil ga'ee haiN jismo jaaN se

meraahil beRh gaey Hadd-e-ziyaan se
huee naazil woh aafat aasamaN se

nah kuch Haasil hai ab aa-o-fughaaN se
keh paani cheRh gayaa hadd-e-nishaN se

woh es riftaar se aaya aachaanak
behaa ker lay gayaa lakhoN jehaN se

khalaaiq peh jo yeh andoh guzraa
main qaasir hoN abhi tak es bayaaN se

hai ab yeh bas qayaamt ki nishaani
kahtar haiN baRh gaey wehm-o-gumaaN se

jehaN thay shehr bastae woh nazarae
hain jaise mit ga'ey yaksar wehaN se

Khudaaya kyaa huee inasaaN se ghaflat?
khafaa Tu ho Gaya itna jehaN se?

Ilaahi seedhe ker de dil sabhi ke
bacha sabko balaa--e-nagehaN se

dikhaana nah kabHi aisaa nazaarah
nikalti hai duaa dil k nehaaN se

khataaeiN bakhsh de Tu sabki Yaa Rabb
ba juz terea amaaN paaeiN kehaN se?

[hayaa_n]

Re: Mein uski beemar rahi char din

Aania ji bouhat umda post hay aap ki...teeno kalaam apni apni jagha bouhat umda hain.:)

[Spy009]

Re: Mein uski beemar rahi char din

Husn shamma ki manind pighalta raha
garmi-e-ishq be intha rahi char din

khataaeiN bakhsh de Tu sabki Yaa Rabb
ba juz terea amaaN paaeiN kehaN se?


Nice stanza

[Withoutsoul]

Re: Mein uski beemar rahi char din


BOHT ZABARDAST CHOICE HAI.......

SPECIALLY THE 1st ONE.......

[Aania]

Re: Mein uski beemar rahi char din

thnx all of u...... :hug: