Abubaker786 ka intekhab...!!!

[abubaker786]

Ranjesh hi sahi dil hi dukhane k liye aaa

Aaaa phir se mujhye choor k jane k liye aaa

Kuch to mere pandare mohabbat ka bharam rakh

Tu bhi to kabhi muj ko manane k liye aaaa

Pahle se marasam na sahi phir bhi kabhi aaa

Rasm dare duniya hi nibhane k liye aaaa

Kis kis ko batayeen ge judayi ka sabab ham

Tu muj se khafa hay to zamane k liye aaa

Ek umr se houn lazat_e_garia se bhi mahroom

Aye rahat_e_jaan! muj ko rulane k liye aaa

Ab tak dil khushfaham ko tuj se hain umedeen

Yeh akhari shamain bhi bujhane k liye aaaa

[abubaker786]

~*Dostoo*~4

Ashqke rawaan ki nahir hay aur hum hain dosto

Us bewafa ka sheher hay aur ham hain dosto

Yeh ajnabi se manzelen aur raftgan ki yaad

Tanhaiyoon ka zahir hay aur ham hain dosto

Layi hay ab ura k gaye mousmon ki baas

Barkha ki raat ka kahir hay aur ham hain dosto

Phirte hain mashle mouj hawa sheher sheher main

Aawargi ki lahir hay aur ham hain dosto

Sham alam dhali to chali dard ki hawa

Ratoon ka pichla pahir hay aur ham hain dosto

Aankhon main ur rahi hay lute mahfiloon ki dhool

Ebrat saraye dahir hay aur ham hain dosto

[abubaker786]

~*Ishq Main*~5

Aap jin k kareeb hote hain

Woh bare khushnaseeb hote hain

Jab tabiyat kisi par ati hay

Mout k din kareeb hote hain

Muj se milna phir aap ka milna

Aap kis ko naseeb hote hain

Zulm sah kar jo uff naheen karte

Un k dil bhi ajeeb hote hain

Ishq main aur kuch naheen milta

sankaroon gham naseeb hote hain

Nouh ki qadar koy kiya jane

Kaheen aise adeeb hote hain

[abubaker786]

~*Wahda to kiya*~6

Yarab ghameen hijraan main itna to kiya hota

Jo hath jegar par hay,woh dast_e_duaa hota

Ek ishq ka gham afat aur is par yeh dil afat

Ya gham na deya hota ya dil na deya hota

Nakaam tamna dil is soch main rahta hay

Yun hota to kiya hota yun hota to kiya hota

Umeed to bandh jati taskeen to ho jati

Wahda na wafa karte wahda to kiya hota

Gairoon se kaha tum ne gairon se suna tum ne

Kuch ham se kaha hota kuch ham se suna hota

[abubaker786]

~*Jaan_e_ Aarzu*~7

Main aarzu_e_jaan likhon ya jaan_e_aarzu

Tue hi bata de naaz se emaan_e_aarzu

Aansu nikal rahe hain tasawar main ban k phool

Shahdaab ho raha hay gulestan_e_aarzu

Emaan wa Jaan nisaar teri ek nigah par

Tue jaan_e_ aarzu hay tue emaan_e_aarzu

Hone ko hay talu,Saba_e_ shab wasaal

Bujhe to hain chirag shabestan_e_aarzu

Ek woh k aarzuon pe jete hain umrbhar

Ek ham k hain abhi se pasheymaan_e_ aarzu

Aankhon se joye khun hay rawaan dil hay dag dag

Dekhe koy bahaar_e_ gulestaan_e_aarzu

Dil main nishat_e_rafta ki dhundali se yaad hay

Ya shama_e_wesl hay tah daman_e_aarzu

Akhtar ko zindagi ka bharosa naheen raha

Jab se luta chuke sard samaan_e_aarzu

[abubaker786]

~*Kitna Hay Badnseeb*~8

Lagta naheen hay jee mera ujare deyaar main

Kis ki bani hay aalmeen napayedaar main

Kah do hasratoon se kaheen aur ja baseen

Itni jagah kahan hay,Dil dagdaar main

umr daraz maang kar laye the chaar din

Do aarzu main kat gaye do intezar main

Kaantoon ko mat nikal chaman se o bagbaan

Yeh bhi guloon k sath pale hain bahar main

Bulbul se koy shikwa na saiyad se gilah

Kismat main kaid likhi thi fasl e bahar main

Kitna hay badnaseeb zafar dafan k liye

Do gaze zameen bhi na mili koyeyaar main

[abubaker786]

~*Shab_e_Gham*~9

Shab_e_gham muj se mil kar aise roye

Mila ho jaise sadiyon baad koy

Hameen apni samjh ati naheen khud

Hameen kiya khaaq samjhaye ga koy

Qareeb manzeel pe aa k dam hay tuuta

Kahan aa kar meri taqdeer soi

Kuch aise aaj un ki yaad aie

Mili ho jaise dolat aik khoi

Saja rakha qafas hay khoon_o_bar se

K ab to bijliyaan le aye koi

[abubaker786]

~*Sitaroo*~10

Sitaroo tum to so jao

Pareshan raat sari hay

Sakoon par marg tari hay

Humeen to aaj ki shab

Po phate tak jagna ho ga

Yehi kismat hamari hay

Tumeen kiya hum agar

Lute gaye rahye mohabbat main

Yeh bazi hum ne hari hay

Humeen bhi nennd aa jayegi

Hum bhi so hi jayeen ge

Abhi kuch bekarari hay

[abubaker786]

~*Tum ko aik shaks yaad aye ga*~11

Jab koy pyaar se bulaye ga
Tum ko aik shaks yaad aye ga
Lazite gham se aashna ho kar
Apne mehboob se juda ho kar
Dil kahen jab sakoon na paye ga
Tum ko aik shaks yaad aye ga
Tere lab pe naam ho ga pyaar ka
Shama dekh kar jaly ga dil tera
Jab koy sitara timtamaye ga
Tum ko aik shaks yaad aye ga
Zindagi k dard ko saho ge tum
Dil ka chain dhundhty raho ge tum
Zakhmen dil jab tumeen sataye ga
Tum ko aik shaks yaad aye ga

[abubaker786]

~*Sahil To Freeb Nazar Tha *~12

Main to ashfata sahar tha pehly bhi
Dostoon k hathe main pathar tha pahly bhi

Chand lamhain kar li hum se dil lagi warna
Jafaoun pe amada sitamgar tha pahly bhi

Nakhuda choor gaya bhanwar main to kiya huwa
sahil to freeb nazar tha pahly bhi

Yeh aur baat aaa gaye chand lamhe nishat k
Tuj pe takiya to aye chasham tar tha pahly bhi

Daman jhatak liya kisi ne to kiya gilah
Main to gard rahguzar tha pahly bhi

Ziya dekh bhul gaya raftar apni
Andhera to apna humsafar tha pahly bhi

Abhi kirchiyaan jama bhi na huyen k phir tuut geya
hayee is baat ka dar tha pahly bhi...

[abubaker786]

~*Kuch To*~13

Rang barsaar ne bhare kuch to
Zakham dil k huwe hare kuch to
Fursate bey khudi ganimat hay
Gardasheen ho gayen pare kuch to
Kitne shoredah sar the parwane
shaam hoty hi jal mare kuch to
Aisa mushkil to naheen tera milna
Dil magar justejo kare kuch to
Aao nasir koy gazal chaireen
Jee behal jaye ga are kuch to !

[abubaker786]

~*Main kis liye jita hoon*~14

Kyun pouchty ho
Kiya tum se kahoon
Main kis liye jita hoon
Shayad k kabhi mil jao kaheen

Main is liye jita hoon.
Jine ka mujhe kuch shoq naheen
Bas waqt guzara karta hoon
Kuch deer ulhaj kar yadoon main
Dunya se kanara karta hoon
Marta bhi ussi ki khatir hoon main
Jis liye jita hoon shayad k kabhi mil jao kaheen

Main isliye jita hoon

Main hoon k sulagta rahta hoon
Bhujta bhi naheen jalta bhi naheen
Dil hay k tarapta rehta hay
Rukta bhi naheen chalta bhi naheen
Jine ki tamana mit bhi chuki
Phir kis liye jita hoon
Shayad k kabhi mil jao kaheen

Main isliye jita hoon !!!

[abubaker786]

~*Teri Yaad Aaa Gaye*~15

Teeri yaad a gayi gham khushi main dhal gaye
Ek chirag kiya jala soo chirag jal gaye

Aaj bhi nigah main phir raha hay woh samaan
Sharm se ruke ruke mil gaye the tum jahan
Asi bijliyaan gireen saare khuwaab jal gaye

Rahguzar main pyaar ki tum the mere humqadam
Tum to ho gaye juda aur bhatak rahe hain hum
Dekhty hi dekhty raasty badal gaye
Gham khushi main dhal gaye...

[abubaker786]

~*Saakiya Saakiya *~16

Le ura phir koy khiyal humeen
Saakiya saakiya sunbhaal humeen

Ro rahe hain k aik adat hay
warna itna naheen malaal humeen

khalwati hain tere jamaal k hum
Aaine ki tara sunbhaal humeen

Marg anboh jashen shadi hay
Mil gaye dost hasbe haal humeen

Kiya touwaka kareen zamane se
Ho bhi gar jurate sawaal humeen

Hum yahan bhi naheen hain khush lekin
Apni mehfel se mat nikaal humeen

Hum tere dost hain fraz magar
Ab na uljhanoon main daal humeen.

[abubaker786]

~*Mujhe sakoon chaye*~17

Bharak rahi hay aag si hawaoon main
Sulag raha hoon baadlon ki chaaon main
Bahar muj se cheen gaye
Mujhe bahar chaye
Mujhe sakoon chaye
Mujhe karar chaye

Kisi ki dil lagi ko pyaar jaan k
Main lut gaya hoon dil ki baat maan k
Na muj ko chaye wafa
Na muj ko pyaar chaye
Mujhe sakoon chaye
Mujhe karaar chaye

Najane kab yeh dil ka dard jaye ga
Rahoon ga hosh main to gham sataye ga
Mere liye to raat din bas ek khumar chaye
Mujhe sakon chaye
Mujhe karaar chaye

Tarap na mere dil kisi ki aas main
Hazar talkhiyan hain teri pyaas main
Tujhe to sari zindagi bhar ka intezar chaye
Mujhe sakoon chaye
Mujhe karaar chaye