Tweet
Saqia ek nazar jaam se pehle pehle
Hum ko jana hai kahin shaam se pehle pehle
Nau giraftar-e-wafa, sai-e-rihayi hai abas
Hum bhi uljhey they bohat daam se pehle pehle...
Khush ho aye dil ke mohabbat to nibha di tune
Log ujar jate hain anjam se pehle pehle
Ab tere zikr pe hum baat badal dete hain
Kitni raghbat thi tere naam se pehle pehle
Saamne umr pari hai shab-e-tanhai ki
Woh mujhe chhor gaya shaam se pehle pehle
Ghair maaroof se, gumnaam se, pehle pehle !!!
Hum ko jana hai kahin shaam se pehle pehle
Nau giraftar-e-wafa, sai-e-rihayi hai abas
Hum bhi uljhey they bohat daam se pehle pehle...
Khush ho aye dil ke mohabbat to nibha di tune
Log ujar jate hain anjam se pehle pehle
Ab tere zikr pe hum baat badal dete hain
Kitni raghbat thi tere naam se pehle pehle
Saamne umr pari hai shab-e-tanhai ki
Woh mujhe chhor gaya shaam se pehle pehle
Kitna acha tha ke hum bhi jiya karte they 'Faraz'
Ghair maaroof se, gumnaam se, pehle pehle !!!
Comment